وقت فراغ أبنائنا من ذوي التأخر التطوري والتعامل معه

Date

2018/10/31

Profile pic

أم لطفلين لديهم تأخر تطوري

في هذا الفيديو  تتحدث  ريم الإفرنجي أم لطفلين من ذوي التأخر التطوري (التأخر النمائي) عن وقت فراغ أبنائنا ذوي التأخر التطوري ( التأخر النمائي) والتعامل معهم.

من الأشياء اللي تعلمتها وبتأثر كتير على سلوك اولادي، وال productivity تبعتهم وانتاجيتهم موضوع وقت الفراغ. هلأ في كتير أوقات إنه بقول هيهم زيهم زي الولاد التانيين، لازم يحسوا بشوية زهق وملل وما يقعدوا يعملوا اشي، بس بعدين اكتشفت إنه هاد وقت الفراغ هو اللي أحيانا بيكون سبب لإنهم يكون عندهم سلوكيات سلبية مثلا، أو إنهم يبدوا ينشغلوا بأشياء ما رح تنفعهم، وبالعكس رح تخرب عليهم أكتر، أو رح يكتسبوا منها سلوكيات اللي احنا ما بدنا ياها؛ فعشان هيك لقيت انه صح لازم يكون عندهم وقت معين ينبسطوا فيه، هم يسلوا حالهم، بس لازم يكون هاد الوقت تحت رقابتي، وإنه أنا أوأبوهم نوحيلهم إنه نفكر معاهم ايش ممكن يعملوا، نقترح عليهم ايش بيحبوا يعملوا وإذا بدهم يعملوا اشي هم بيحبوه أو بدهم إياه.

احنا نكون قاعدين من بعيد نعطيهم هاي المساحة اللي كأنه همة بيعملوا اشي لحالهم، بس احنا شايفينهم وبنتدخل بأي وقت بنحتاجه فيهم، اشي تاني من موضوع وقت الفراغ هو كمان  التلفزيون، يعني لقينا لما أولادنا يقعدوا لفترات طويلة ع التلفزيون بتفرجوا على مثلا: على مسلسلات يعني ما خصهم فيها كتير، فيها مناظر قتل، دبح، خناقات كتير كبيرة.هاي كتير بتخليهم طول الوقت متوترين، وطول الوقت انه يعني بدهم يتخانقوا، بدهم يعملوا زي اللي بالمسلسل، فإحنا  قررنا أنا وزوجي إنه نوقف عنهم القنوات اللي فيها المسلسلات، وخلينا لهم بس قنوات الكارتون، وجربنا هاد الموضوع النا سنة بنجربه والحمدلله، إنه كتير أثر بشكل إيجابي على يعني شخصيتهم، وعلى كمان طريقة تفكيرهم واستجابتهم  لأي اشي بيضايقهم من اللي حواليهم.