واقع خدمات التربية الخاصة في الوطن العربي

Date

2018/10/31

Profile pic

أم طفل لديه توحد

في هذا الفيديو  تتحدث سناء شاكر  أم لطفل من ذوي اضطراب طيف التوحد عن واقع  خدمات التربية الخاصة في الوطن العربي. 

هلأ بالنسبة للخدمات إلي متوفرة عنا للأطفال ذوي الإحتياجات الخاصة بشكل عام في الوطن العربي، ما بنقدر نقول إنها مش موجودة، موجودة لكن باهظة الثمن جداً جداً، يعني كتير غالية، وهاد إشي لأطفالنا مستمر يعني إحنا لسه مش شايفين إله نهاية، على طول الولد بده تدخلات وتأهيل وهاي الأشياء هون كتير غالية، فأنا وحدة من الناس قررت إني أسافر وأروح لدولة تانية مع يحيى فيها الخدمات هاي أرخص وفيها تقبل المجتمع أكتر، ممكن ما تكون سهلة، ممكن يكون فيها تحديات من نوع آخر يعني إلي أو لإبني، يعني ممكن يكون في تحديات ومش سهل إنه الواحد يترك بلده وأهله وإلي بحبهم، بس بدي أحاول إني آخد إبني عمحل بقدم هاي الخدمات بأسعار أقل فبالتالي ممكن إنت توفر لإبنك خدمات أكتر إذا كان السعر أقل أو حتى مرات بكون ببلاش بعض الخدمات، فممكن هو إنه يقدر بالتالي يستفيد أكتر إذا أنا بقدر أوفر إله برامج تأهيلية أكبر. فبتخيل بالنسبة لإلي هاد هو كان الحل لصعوبة توفر المصادر لهدول الأطفال بالوطن العربي بشكل عام.

مرض التوحد (Autism) من الأخطاء الشائعة فهو اضطراب تطوري ( اضطراب نمائي) وليس مرض.