إهداء مكالمة مجانیة
في هذا الفيديو تتحدث أخصائية النطق واللغة آية الجازي عن تأثير السمع على النطق.
هل السمع بيأثر على النطق أم لا؟ السمع دائماً بيسبق النطق، فإحنا فعلياً بنسمع، بنخزن، بنخزن الأصوات، بنخزن الكلمات وبالتالي بعدين بنقدر ننتج هاي الكلمات، فإذا الطفل كان عنده أي مشكلة في السمع فممكن الأشياء عم بسمعها تكون مشوهة، الأصوات ما بتكون عم بسمعها زي ما لازم فبالتالي ممكن تحد من إلي هو ممكن يحكي أو يتواصل مع إلي حوليه.
فعشان هيكَ إحنا بنحث الأهالي وبنأكد على ضرورة إنهم يعملوا فحص سمع دوري لأطفالهم زي ما هم بيعملوا فحص للنظر في عندي بنت عندها مشكلة بالسمع بس لإنهم أهلها تابعوا معها من هي صغيرة مش ممكن تميزها عن أي طفل تاني عنده مشكلة أو ما عنده أي مشكلة وبتكون بالصف زيها زي أطفال الباقيين، ففي طفل مرة إجى لعندها بقولها إنه ليش إنتي لابسة سماعة؟ كان جوابها لإله إنه ليش إنت لابس نظارة؟ فهو إحنا لازم يا ريت إنه نبلش نغير من عند أطفالنا ليصير في بيئة أنسب للأطفال إلي بعانوا من مشاكل سمع أو أي مشاكل أُخرى.
اترك تعليقاً