هل هناك دور للأهل في تطور النطق لدى طفلهم؟

Date

2017/12/14

Profile pic

أخصائي نطق ولغة

في هذا الفيديو يتحدث أخصائي النطق واللغة   د. صلاح  عن الأمور البسيطة التي يمكن للأهل القيام بها في المنزل مع طفلهم وتعمل على تطوير النطق لدى أطفالهم

هلأ أول شيء بنحب نحكي معلومة إنه أصلاً الطفل بيسمع بنحكي من الأسبوع الـ20 من الحمل، فالطفل أصلاً قبل الولادة بيسمع، فالأمهات لازم تحكي مع الأطفال بإستمرار، أول شيء بنحكيه يعني حديث مع الطفل، كلام بإستمرار الأم لازم تحكيه من الطفل، هلأ أول شيء برضو من ضمن هاد الموضوع إنه سمي الأشياء في بيئة الطفل، إنه يعني مثلاً احكيله هاد باب، هاي كاسة، هاد ضوء، لازم الأم تسمي الأشياء بإستمرار.

هلأ إذا بدنا نرجع لنقطة شوي في البداية لازم الأمهات يتستجيبوا للمناغاة، استجابة الأم للمناغاة إلي بتكون بعمر الـ6 شهور هي بدايات للتواصل، لازم يكون في تواصل بصري مع الأم والطفل، هاي المرحلة إلي هي مرحلة ما قبل اللغة بتأسس أصلاً إنه تتطور اللغة عند الأطفال، هلأ برضو في نقطة ثانية بنحكيها للأمهات، هلأ الطفل على عمر 12 شهر ببدأ ينتج أول كلمة.

هلأ قبل هيك الطفل بخزن الأشياء، فلازم الأم إنها تساعد الطفل بإنها تسمي إله الأشياء بإستمرار، تسمي هاد الشيء أمامه، وتحاول الأم كمان إنها لما الطفل يبلش إنه يحكي الأم ما تنتقد كلام الطفل أو تحاول تصححه، يعني وجهي نموذج بكل غير مباشر للطفل، حتى الأطفال في مراحل معينة بكون عندهم يعني شيء طبيعي، يعني جزء من نموهم يكون عندهم إبدال بالأصوات أو إنهم يحكوا الكلمات إلي هي من مقاطع بشكل يكون فيه من مقطع أو اثنين، هاد الشيء طبيعي جداً، لا تنتقد الأم الطفل نهائياً، شجعي الطفل على الكلام.  

Date

2017/12/14

Profile pic

بكالوريس تربية خاصة وماجستير علاج نطق وهو عضو في المنظمة الأمريكية للنطق واللغة والسمع ASHA عمل صلاح في عدد من مراكز التربية الخاصة والتأهيل في السعودية، الكويت والأردن

 

اترك تعليقاً