هل تعتبر الحضانة بيئة مناسبة للأطفال المتأخرين لغوياً؟

Date

2018/11/12

Profile pic

أخصائية نطق ولغة

في هذه الفيديو تتحدث أخصائية النطق واللغة آية الجازي عن تساؤل الكثيرين وهو هل تعتبر الحضانة بيئة مناسبة للأطفال المتأخرين لغوياً؟ 

من الأسئلة إلي كتير بنتعرضلها من أهالي الأطفال إلي بكونوا متأخرين لغوياً، إنه هل إذا متأخر لغوياً بيقدر يلتحق بالحضانة إذا هو كان فعلياً بعمر الحضانة أم لا؟
هلأ معايير الحضانة هي فعلياً إنه المعايير العالمية والعلمية إلي بتهيأ الطفل بالحضانة والأهداف إلي بشتغلوا عليها بالحضانة هي كالآتي :

١- إنهم يطوروا لغة
٢- يطوروا مهارات حركية
٣- يطوروا الإدراك تاعهم
٤- يطوروا التواصل الاجتماعي والعاطفة عند الأطفال فإذا فعلياً كانت الحضانة عم بتوفر كل هاي الأُسس فهو الطفل في مناسبة لإله وبتحفزه على الكلام أكتر بالإضافة إلى جلسات نطق واللغة بس إذا كان الطفل أصغر أو أكبر من مرحلة الحضانة إلي عم نحكي عنها من عمر 3-5 بيختلف الوضع، إذا كان الطفل مثلاً قبل عمر 3 سنين إحنا بنحب نبلش معاه بالتدخل المبكر ونبلش معاه نشتغل أكتر لنهيئه لإنه يدخل عالحضانة وعالمدرسة بعدين.

إذا كان الطفل أكبر وكان عمره مثلاً 5 أو 6ست سنين وكان عنده إشي أكبر من التأخر اللغوي إحنا دائماً بنفضل إنه يكون مهيأ للمدرسة بشكل مناسب قبل ما يدخل على المدرسة لإنه للأسف مدارسنا يمكن لهلأ مو مهيئة زي ما لازم إنها تعمل دمج صحيح على أكمل وجه. ففي أطفال بيروحوا عالمدرسة بكونوا قاعدين لحالهم بصف لحالهم ما بياخدوا من المنهاج قد ما هم ممكن يحصلوا عليه لو هم فعلياً أخذوا العلاج بطريقة مكثفة واستمروا بالمتابعة بين أهل وبين مثلاً المختصين إلي عم بشتغلوا معاه.

Date

2018/11/12

Profile pic

أخصائية نطق ولغة، درست علوم السمع والنطق بالجامعة الأردنية وأكملت دراسة الماجستير بجامعة في بريطانيا.بدايةً أرادت العمل مع الأشخاص الذين يعانون من صعوبة البلع ومرضى السرطان الذين يفقدون صوتهم ومساعدتهم في التأهيل بعدها، ولدت بنت أخيها ذو متلازمة داون، وتغيّر مسار حياتها العملية،  بدأت البحث عن دورات وورشات لمساعدة هذه الفئة والتدخل المبكر،من بعدها بدأت العمل مع الأطفال درسّت بالجامعة الأردنية لمدة أربع سنوات ، ثم عادت لتعمل مع الأطفال. افتتحت مركزها الخاص، ويحوي تخصصات أخرى لتمكين الأشخاص ذوي الإحتياجات الخاصة

 

اترك تعليقاً