هل استخدام طرق التواصل البديل سيؤخر النطق عند طفلي؟

Date

2019/12/12

Profile pic

لخدمات تطور الطفل

في هذا الفيديو نتحدث عن طرق التواصل البديل وتأثيرها على نطق أطفالنا مع أخصائية تحليل السلوك التطبيقي لانا أندوني من مركز المسار لخدمات تطور الطفل

هنالك تخوفات كتير كبيرة من قبل الأهالي  إنه استخدام الطرق البديلة رح يؤدي إلى تأخر في الكلام اللفظي . ولكن الدراسات العلمية الي عم تثبت عكس ذلك تماما  فمعظم الدراسات عم بتلاقي إنه  استخدام وسائل التواصل البديلة بأدي  إلى تطور في مهارات الكلام اللفظي .

فمثلا في عام 2006 كان في دراسة للي راجعوا الأبحاث بهاد الموضوع  بين 1975 و 2003 و ووجدوا أن  ب 89% من هدول الأبحاث لقوا إنه استخدام  وسائل التواصل البديلة  بأدي إلى تطور في الكلام اللفظي  ب 11 % ، من هدول الأبحاث  لقوا إنه ما كان في تطور، بس الأهم من هيك إنه مافي أي دراسة وجدت إنه استخدام  الوسائل البديلة بأدي بتراجع في الكلام اللفظي؛ وعشان هيك كتير مهم إنه نبدا نستخدم وسائل التواصل البديلة من عمر مبكر عشان هاد بساعدنا إنه نبني مهارات التواصل عند الطفل خصوصا.

أنه كتير من أولادنا عندهم صعوبة بهاي المهارة، وكمان إنه استخدام وسائل التواصل البديلة رح يقلل من السلوكيات السلبية  إلي بتصير عند كتير من أطفالنا لما ما يكونوا قادرين يعبروا عن حالهم ويحكولنا إيش بدهم، هلا وسائل التواصل في كتير وسائل تواصل بديلة منها نظام تبادل الصور الي هو  البيكس، منها Sign Language أو لغة الإشارة منها تطبيقات إلي نستعملها ع الايباد أو الموبايل، وهاي بتتدرج الصعوبة باستخدامها بس المهم كلها بتركز ع بناء مهارة التواصل وجميعها بتستخدم أو بتركز ع استخدام ونمذجة الكلام.

 

فخلينا ناخد مثال: لولد بستعمل بيكس أو نظام تبادل الصور عشان يوصلي الي بدي اياه فخلينا نحكي الولد بيعطيني صورة التفاحة ؛ عشان بده تفاحة، فأنا كمستخدم رح اخد صورة التفاحة ورح احكي كلمة تفاحة، وبعدين رح اعطيه التفاحة، فهيك أنا قدرت أنمذج الكلمة، وبنفس الوقت بدنا نتذكر إنه لو الطفل فرجى أي قدرة إنه عم ينطق أو بجرب ينطق لو اشي تقريبي للكلمة أنا رح ابدا أتوقع منه إنه يصير يحكي أي شي تقريبي للكلمة فمثلا بيعطيني صورة التفاحة وبيحكيلي تف أو فاحة فباخد الصورة وبحكي تفاحة وبعطي التفاحة وهيك بصير عند الطفل رغبة أكتر إنه يتواصل يصير يفهم الي هو قادر يسيطر ع البيئة من حواليه وبصير عنده رغبة أكتر إنه يوظف الكلمات الي عنده إياها بطريقة وظيفية أكتر.

لانا أندوني أخصائية تحليل سلوك تطبيقي معتمدة

Date

2019/12/12

Profile pic

تأسس المسار لخدمات تطور الطفل في عمان – الأردن عام 2006 من قبل مجموعة من الأخصائيين في مجالات التأهيل والتربية الخاصة .يعتبر المسار لخدمات تطور الطفل مؤسسة فريدة من نوعها في الشرق الأوسط، فهي رائدة في مجال تزويد الأطفال ذوي الاحتياجات الخاصة بخدمات التعليم والتأهيل الفردية والشاملة تحت سقف واحد. هذا ويعمل المسار تبعاً لمعاييرجودة عالية توازي مؤسسات عالمية رفيعة السمعة. ويتميز الكادر العامل بشغفه وحماسه للعمل والتزامه بالتعلّم المتواصل لمواكبة أحدث الأساليب والممارسات في مجال التعليم والتأهيل.
يتلقى الأطفال الخدمات المختلفة المجهّزة بعناية لتلبية احتياجاتهم الفردية من خلال ثلاث وحدات رئيسية: وحدة التعليم  والتي تشمل  برنامج التدخل المبكر وبرنامج المدرسة، أما وحدة العلاج فتقدم الخدمات في مجال علاج اللغة والنطق والعلاج الوظيفي والعلاج الطبيعي. فيما تركز وحدة الخدمات المجتمعية على دعم المجتمع المحلي من خلال أنشطة التدريب والتوعية.

اترك تعليقاً