نصائح من تجربتي لأهالي أطفال التوحد الآخرين

Date

2018/12/09

Profile pic

أم طفل لديه توحد

في هذه الفيديو تتحدث سناء شاكر أم لطفل لديه اضطراب طيف التوحد عن نصائح من تجربتها لأهالي أطفال التوحد الآخرين. 

بنصح كل الأهالي إلي عرفوا من جديد إنه عندهم طفل ذو تحديات تطورية أو توحد أو أي حالة من الحالات تبعت الـ special needs، أول إشي ما تستحوا بولادكم، ولادكم حبوهم زي ما هم، طلعوهم عالمجتمع، حتى لو بتصرفوا تصرفات مش مقبولة اجتماعياً، بالعكس دايماً حطو إنكم بهاي الطريقة بتوعوا الناس وبتخلوا الناس يتقبلوا هاد الطفل زي ما هو وبالتالي يصيروا يتقبلوا أطفال غيرهم عندهم نفس الحالة، هاي وحدة، تاني إشي التقبل إلك إنت كأب وأم مش بس تقعدوا تقولوا أه بس بدنا الناس تتقبلهم وإنت نفسك مش متقبل، فلازم تتقبل إنه هاد الطفل ما عمره يمكن رح يكون زيه زي الأطفال العاديين، ما تعلوا سقف التوقعات، اعرفوا دايماً إنه إيش ما هو عمل أو قد ما كان التطور إلي هو تطوره صغير، إنك إنت تنبسط عليه، خلص هاد هو، هاي قدراته، وأنا بدي أحبه وأتقبله زي ما هو.
وهاي هي.

مرض التوحد (Autism) من الأخطاء الشائعة، فهو اضطراب تطوري (اضطراب نمائي) وليس مرض.