نصائح إلى أهالي ذوي التأخر التطوري من واقع تجربتي

Date

2018/11/12

Profile pic

أم لطفلة من ذوي التأخر التطوري (التأخر النمائي) وفرط الحركة

في هذا الفيديو  تتحدث رولاند البواب أم لطفلة من ذوي التأخر التطوري و فرط الحركة  عن نصائح إلى أهالي ذوي التأخر التطوري ( التأخر النمائي)  من واقع تجربتها.

أنا كرولاند، أم ليلى الي هي طفلة من الإحتياجات الخاصة، شو بوجه رسالة للأهالي الي هلأ عندهم أولاد احتياجات خاصة ولي هما لسا صغار، أهم شي أهم شي حبوهم ، تقبلوهم ، تقبلوهم زي ما هما ، لا تقولو يا ريت وياريت وكذا ، هذا ما يفيد ما بفيدنا بالمرة ، لازم نحبهم و نتقبلهم عشان نقدر نساعدهم , نعمللهم خطة علاج ، ما نقارنهم بحدا، لا نقارلهم بأخوانهم (Typical kids) ، و لا نقابلهم انقارنهم لإنه بطفل ذوي احتاجات خاصة ثانية، لإنه أنا طفلتي الي عندها احتياجات خاصة تختلف عن هذيك الطفلة، تختلف عن هذا الطفل.

 كل واحد بدو برنامج، بدو خطة مدروسة لإلو لحاله، ولازم ما نحط (Expectations) عالية كثير، توقعات عالية لأنه احنا إذا حطينا توقعات عالية احنا رح نتعب ممكن هم ما رح يقدرو يعملوها، يمكن ما يقدرو يوصلوها، فعشان هيك احنا لازم دائما نمشي خطة بخطوة و مرحلة بمرحلة، احنا رح نمر بمراحل كثيرة , لسا قدامنا أيام كثيرة و أيام طويلة و يمكن أيام صعبة، فعشان هيك احنا لازم كمان مرات نعطي حق لجسمنا، نعطي حق لإلنا إذا احنا صحلنا مرات نوخذلنا بدنا بريك، نطلعلنا نشرب فنجان قهوة لحالنا مع صاحبات النا ما نحكي عن موضوع أطفالنا، أقدر أحطها عند أمي شوي، أقدر أحطها عند إخواني، عند جدتهم، عند خواتها، عند أخوانها، هم كمان يساعدونا لأنو هاي مرحلة طويلة فلازم الأم و احنا دائما نعرف انه العبء يكون على الأم و الأب أكثر شيء، فلازم هم كمان شوي يرتاحو عشان يقدرو يعطوهم أكثر و أكثر.

Date

2018/11/12

Profile pic

أم لأربعة أبناء، أصغرهم ليلى من ذوي التحديات التطورية، تم تشخيص إبنتها على عمر ٤ سنين باضطراب فرط الحركة والتأخر التطوري (التأخر النمائي)، وبدأت من بعدها رحلة العلاج، تعتبر ليلى هدية من رب العالمين وأهم علاج هو الحب والتقبّل. أصبحت عضوة في عدة جمعيات لمساعدة الأطفال وتغيير نظرة المجتمع للأطفال ذوي الاحتياجات الخاصة.

 

اترك تعليقاً