نبذة عن اضطراب طيف التوحد ومؤشراته

Date

2018/11/06

Profile pic

أخصائي تربية خاصة

في هذا الفيديو يتحدث الدكتور رائد الشيخ ذيب عن نبذة عن اضطراب طيف التوحد ومؤشراته.

 

أول شيء ممكن الأم تلاحظ سمات التوحد  لكن خلينا نركز وننتبه تماماً صفة واحدة لا يعني أن الطفل توحد، صفة واحدة لا يعني أن الطفل توحدي وصفتين لا تعني أن الطفل توحدي وإنما تعني أنه يجب مراجعة مختص. إيش ممكن أول صفات يواجهها الطفل وتلاحظها الأم؟ أول شيء وهي بترضع فيه إنه ما في تواصل أو ضعف التواصل البصري بينها وبين طفلها، فنحن هنا نتحدث عن تواصل بصري وليس تحديق بالأشياء، التواصل البصري يعني لازم يكون مع أشخاص مع ناس أحياء مش مع مثلاً مكعب إلى غير ذلك، هون وهي الأم بترضع فيه إنه هو ما تطلع عليها لفترة كافية، وهاد أمر التواصل البصري إله فوائد كتير لإنه كل التفاعل الاجتماعي بكون عن طريق التواصل البصري، إحنا بنوصل إلي بدنا إياه عن طريق التواصل البصري، بنوصل معلومات وبنوخد أيضاً معلومات عن طريق التواصل البصري، ممكن من الصفات الأخرى إنه الأم بحد ذاتها تروح وتيجي وتشتغل وأشياء البيت وأعمالها والطفل يحملق بالفضاء وهنا الأساس، الحملقة بالفضاء ليست ثواني أو دقائق، الأم هنا تشكي إنه رحت لنص ساعة ورجعت خلال النص ساعة هو تطلع بالسقف أو بطلع بالضوء، خلينا نتذكر كل الأطفال كل الرضع بطلعوا بالسقف وبطلعوا بالضوء ولكن هذا نظرته إلى السقف من حيث المدة طويلة جداً أعاقت حياته. 

من سمات التوحد أيضاً بس يكبر شوي ما في تفاعل بس الأم تزغزغه أو تدغدغه بس إنه تضحكه ما عم يضحك معها، ما عم يستجيب للدغدغة حتى الأم توصفلك تحكيلك إنه أنا بحطه على حضني وأنا عم برضعه بس ما بحس إنه مهتم أو إلى غير ذلك، بكبر الطفل شوي شوي وممكن إنه يتأخر بالكلام وممكن يصير عنده صدى صوتي، الصدى الصوتي إنه بعيد كلام المتحدث ولكن لازم نلاحظ إنه مش كل طفل بعيد كلام المتحدث إنه طفل توحدي ولكن معنى ذلك أنه يجب مراجعة مختص، هون ممكن يظهر عنده روتين قد يكون روتين في المكان يعني ما بقعد إلا بمكان واحد، أنا ما حكيت إنه بحب يقعد بمكان واحد هو يصر اصراراً تاماً على الجلوس في هذا المكان، ومين ما كان جالس في هاد المكان لازم يقوم ويقعد مثلاً طاولة السفرة أو على كنباية محددة أو إلى غير ذلك. 

قد يكون غير الروتين المكاني روتين زماني، لازم إنه في ساعة محددة يعمل شيء وطبعاً هون بس نيجي نحكي أيام العطل والعطل المفاجئة بحد ذاتها هاي قضية كبيرة، إذا اجت عطلة مفاجئة يوم إثنين أو ثلاثاء، أنا اتعودت إني أنزل الساعة 6 ونص على الباص مشان أروح عالمركز واتعودت أفطر ويصحو كل أخواني معي يفطروا معي ويلبسوا وبابا يلبس وماما تلبس وننزل نستنى الباص، شو فيه اليوم الإثنين معطل؟ وهنا أتحدث عن روتين قاسي ويصعب تغييره وفي فرق كبير بين إنه يحب أو يعيش روتين، نحن هنا نتحدث على إنه يعيش روتين قاسي يصعب تغييره. بتيجي كمان في مرة أخرى ممكن إنه في عمر 16 شهر لعمر سنتين تقريباً من عمر سنة ونص لسنتين بعض الأطفال التوحديين بفقد الكلام، بكون هو يحكي ما بين 5 - 10 كلمات فقط وبفقدهم بكون هون بحكي من 5 - 10 كلمات وبس وبفقدهم، وهنا مؤشر خير لإمكانية رجوع الكلام بعد هيك ممكن إنه يظهر عنده اهتمامات غير مناسبة من حيث الشدة وإلى غير ذلك يعني ممكن يمسك ورق ويمزقه بقطع متساوية جداً، يقضي ساعتين أو ثلاثة وهو عم بقصقص الورق بيده وبقطع متناسقة، ممكن يحب يجمع أشياء وأشياء كتيرة جداً لا داعي لها مثلاً مفاتيح نوع معين من السيارات وإلى غير ذلك. طبعاً هاي الأعراض بتستمر معه إن لم يحدث تدخل فعال، وبتكبر هاي الأعراض وبتزيد هاي الأعراض عند دخوله مرحلة الروضة وعند دخوله مرحلة المدرسة لكن إن وجد برنامج فعال وبرنامج قوي بطمنكم الطفل رح يتحسن كتير. لقراءة المزيد عن إضطراب طيف التوحد وسمات التوحد في قسم التوحد إقرأ أيضا على موقع ميدان هل مشاهدة التلفاز تصيب طفلك بالتوحد؟

طبعاً هاي الأعراض بتستمر معه إن لم يحدث تدخل فعال، وبتكبر هاي الأعراض وبتزيد هاي الأعراض عند دخوله مرحلة الروضة وعند دخوله مرحلة المدرسة لكن إن وجد برنامج فعال وبرنامج قوي بطمنكم الطفل رح يتحسن كتير.

مرض التوحد  من الأخطاء الشائعة، فهو اضطراب تطوري (اضطراب نمائي) وليس مرض.

Date

2018/11/06

Profile pic

حاصل على درجة الدكتوراه في التربية الخاصة / توحد عام 2004م، عمل أستاذ مساعد في قسم الإرشاد والتربية الخاصة / الجامعة الأردنية، و مديراً لمركز الإرشاد والتربية الخاصة بكلية العلوم التربوية / الجامعة الأردنية.
درس العديد من المساقات الجامعية في تخصص التربية الخاصة في كل من الجامعة الأردنية وجامعة مؤتة وجامعة دمشق على مستوى البكالوريوس والماجستير والدكتوراه ، وأشرف على العديد من الرسائل الجامعية في التوحد.
عضو لجنة اعتماد مراكز التربية الخاصة ومراكز التوحد في الأردن وخبير التوحد في مركز آمال للتوحد التابع للمنظمة السورية للمعوقين وخبير ومدرب التوحد في مؤسسة سعيد الخيرية.
أسس العديد من صفوف ومراكز التوحد في السعودية و سوريا والأردن، ونفذ عشرات الدورات والبرامج التدريبية. وله العديد من مقاطع الفيديو التثقيفية عن اضطراب التوحد في مواقع التواصل الاجتماعي

اترك تعليقاً