مهام معلم الظل والتعريف بدوره مع الطالب ذو التأخر التطوري

وجود معلم الظل قرار أحياناً بكون ضروري جداً لتلبية حاجات الطالب، عندما يكون الطالب بحاجة لمعلم ظل يساعده في تحدياته المعرفية الأكاديمية فالمعلم بكون موجود وبساعده بالصف أو برا الصف في صف المصادر بإرشاد من معلمين القسم المساند وإلخ …وأوقات تانية معلم الظل بكون وجوده ضروري جداً لتحديات حركية لدى الطالب فلازم يكون في حدا بساعده حركياً إنه يقدر يوصل لكل مرافق المدرسة ويستفيد من كل مرافق المدرسة، أوقات بكون عند الطالب تحديات سلوكية فلازم يكون في هناك معلم ظل يساعد الطالب في تخطي هاي المصاعب، فمعلم الظل هو الشخص إلي عم يساعد الطالب إنه دائماً يكون سالم في المدرسة وطبعاً سلامة الطالب أنا بعتبره من أولى أولويات المدرسة.

سلامة الطالب ذوي الاحتياجات الخاصة في بيئته وكمان سلامة الطلاب إلي حول الطالب ذو الاحتياجات الخاصة كمان أولوية لازم ناخدها دايماً في عين الإعتبار، فوجود معلم الظل إذاً بيعطي هالنوع من المساعدة، نوع من الأمان للطالب ومن حول الطالب إذا كان في صعوبات لازم إحنا نواجهها ونحلها.