مفاهيم أتمنى لو يغيرها المجتمع عن متلازمة داون

Date

2018/11/25

Profile pic

أم لشابة من متلازمة داون

في هذا الفيديو  تتحدث أماني أم لشابة من متلازمة داون عن مفاهيم تتمنى لو يغيرها المجتمع عن متلازمة داون (Down Syndrome)

لليوم في شوية مفاهيم مش قادرة استوعب إنه لسه الناس بتستعملها لولادنا أو بناتنا ذو التحديات الخاصة special needs أو ذو احتياجات خاصة، أو هيك "ليبل" أنه خلص حطوهم حصروهم بشي معين ، لأ، ذو التحديات الخاصة كل واحد عنده تحديات حتى الولد الطبيعي الي ربنا كرمه أو البنت الطبيعية إلي ربنا كرمها بكل اشي، كل واحد عنده حدود وعنده ذكاء معين، واشي ذكائه أكتر من التاني ، اشي أشطر من التاني ، تاني اشي كتير واجهتها اه بنتك ايش داون سندروم اه منغولية ، لأ مش منغولية بنتي داون سندروم نوع من أنواع التحديات ، ف ما اضلكم تقولولي منغولية منغولية منغولية ،أوك. 

إذا انتو هاد التعبير بس هو إلي إنتوا حاصرينها فيه ، أنا برفضه رفضا تاما ، وأنا قطعت علاقات مع كتير ناس من كيف كانت نظرتهم أو كيف كان تعاملهم مع ياسمين أو أماكن وين كانت تدرس فيها أو ولاد صغار أو صبايا صغار كانت تلعب معهم ، مفاهيم من غير كتير مفاهيم يعني ما بقدر لحالي أو أنت بتقدر لحالك كلنا لازم نشترك الي عنا ولاد والي معناش ولاد، وبالتالي بتبدا من كيف الناس بتنظر لابنك سواء بالمدرسة بالباص بالسوبر ماركت بالنادي بالطيارة بأي مكان ، كيف أنت بتجبر الناس تغير مفاهيمها وكلنا يعني الله يخلي للجميع ولاده وبناته بدايقوا الأهل، يمكن ولادنا مبسوطين مش شايفين مش منتبهين على أشياء معينة مع إنهم أذكيا جدا بنتبهوا على كل كلمة أو تعليق أو نظرة ، وبقدروا يميزوا مين بحبهم ومين لأ ومين بتمسخر، فالمفاهيم مش بيوم وليلة رح نغيرها بس شوي شوي بظن إنه بنبدا نغير المفهوم وبظن هاد برجع زي ما حكيت إنه من البيت بنقدر نغير المفاهيم من العيلة من المدرسة من الباص من صحابنا من كل حدا حوالينا ، بنقدر شوي شوي بالمجتمع والناس كلها أذكيا وبتفهم فبتقدر تتقبل تغيير هاد المفاهيم وتقبلها للاخر بجميع الأشكال والألوان وكل شي.