مجموعة من التمارين الرياضية يمكن ممارستها في المنزل مع الطفل ذو فرط النشاط

Date

2019/12/22

Profile pic

أخصائية علاج طبيعي للأطفال

في هذا الفيديو تتحدث أخصائية العلاج الطبيعي حنان زيادة عن مجموعة من التمارين الرياضية يمكن ممارستها في المنزل مع الطفل ذو فرط النشاط

الرياضة الهوائية بتخفف التوتر و بتقلل الحركة ، الحركة الزائدة و كمان بترفع قدرات الطفل الإدراكية و كمان بتساعده على التركيز ، فمثلاً بحب كثير أعطي أمثلة من برا. الرياضة الهوائية ، مجموعة من التمارين الرياضية التي يمكن ممارستها في المنزل مع الطفل ذو فرط النشاط ، بالنسبة للأطفال إليّ في عندهم فرط الحركة في عنا كتير دراسات وضحت النتائج الإيجابية ممارسة الرياضة و خصوصاً الرياضة الهوائية مع تحسين أعراض فرط الحركة، يعني كيف يعني أول إشي الرياضة الهوائية بتخفف التوتر و بتقلل الحركة، الحركة الزائدة ، و كمان بترفع قدرات الطفل الإدراكية و كمان بتساعده على التركيز فمثلاً :بحب أعطي أمثلة من برا فمثلاً كوريا بتعطي تمرينات هوائية للأطفال هلأ رح أحكي عنها ، لمدة ثلاث أيام في الأسبوع المدة هي عبارة عن 80 دقيقة مقسمة إنّو أول 10 دقائق بكون عنا تمارين استطالة و إحماء بعد هيك بصير في عنّا التمارين الهوائية ، إليّ هي مثل ، الجري على خط مستقيم و بطريقة متعرجة كمان نط الحبلة ، كرة السلة طبعاً مش بطريقة تنافسية كرة السلة هي تعليم مهارات. 

هلأ وبعد هيك بعد ما تخلص 60 دقيقة بيعملوا تمارين إليّ هي التبريد ، هلأ إنتو كالأهل مش ضروري تعملوا نفس النظام بس كتير مهم إنّه ندخل التمارين الرياضية ؛لأنه هاي التمارين هي تستخدم في الخارج كعلاج مساند مع الأدوية، يعني شوفوا قديش مهمة فمثلاً إنتو بتقدروا تخلوا طفلكم يمارس الرياضة من 30 الى 40 دقيقة في اليوم 5 أيام أو 4 أيام في الأسبوع ،بتقدروا تعملوا فنون قتالية ، بتقدروا تعملوا سباحة ، بتقدروا تعلموا ركوب الدراجات ، الجري ، كرة السلة ، كرة القدم، بس "please “ ما نركز على التنافس الفكرة مش التنافس الفكرة إنّه هو يعمل مجهود ، يرفع دقات القلب و هذا كله رح يساعده على التركيز.

 

هلأ بحب كمان أعطيكم خبرة شوي بالمدارس إيش في شغلات عم تنعمل جديد برا ، هلأ بالمدارس كتير في فكرة حلوة إنّه عم ببلشوا أول إشي بالتمرينات الصباحية بس أكيد مش رح تكون تمرينات عادية ، كل هاي التمرينات تمرينات كيف زي ماحكينا الجري إشي شوي يساعد بدقات القلب و لقوا نتائج رائعة على طلابهم بزيادة تركيزهم بالنسبة كمان للي أطفالهم عندهم فرط الحركة اخترعوا إشي كتير حلو إلي هو عبارة عن طابة " gymnastic ball “ الطابة الكبيرة إلي بعملوا عليها التمارين ، عبارة عن الكرسي يعني في إلها رجلين و حطوا الطابة و حطوها جوا الصف و قعدوا عليها الطلاب إلي في عندهم فرط الحركة ، فهمن بحركتهم و نطهم هيك فرغوا energy إليّ فيهم و بعدين بلشوا يركزوا بطريقة أحسن، و في مدارس بفرنسا كمان دخلت بس هاي ال " gymnastic ball “ جوا الصف ففي كتير طلاب مثلاً: عادي بقعدوا على الكرسي و في طلاب تانيين عندهم حاجة للحركة يعني مش بس فرط الحركة في عنا أطفال بتعلموا من خلال الحركة فهن كانوا يقعدوا عليها ينطوا شوي عليها يفرغوا الطاقة بعد هيك يرجعوا يكتبوا، يحلوا الواجبات بالنهاية في أفكار جديدة .