مجموعة من البدائل التربوية إذا تعذر الدمج

Date

2019/3/11

Profile pic

أخصائية تربية خاصة

في هذا الفيديو تتحدث أخصائية التربية الخاصة رنا شعبان عن مجموعة من البدائل التربوية إذا تعذر الدمج.

مجموعة البدائل التربوية إذا تعذر الدمج في المدارس العادية مثل المدارس الخاصة التي توفر مجموعة من الأخصائيين وتقوم بعمل خطة تربوية فردية خاصة للطفل.  أحياناً بعض الأطفال بصعب دمجهم في المدرسة العادية، وهاد الإشي موجود حتى بالمجتمعات إلي سبقتنا بموضوع الدمج، المهم بهاد القرار دائماً إنه إحنا نحط مصلحة الأطفال أولاً وأكيد ما بدنا نيأس لإنه في هناك بدائل تربوية تانية ممكن احنا نفكر فيها، زي المدرسة الخاصة إلي فهاي المدرسة بكون عدد الطلاب كتير أقل، بكون فيها مجموعة من الاختصاصيين وبكون فيها خطة تربوية فردية مفصلة لهاد الطفل.

إلي بدنا نحكيه إنه أكيد هاد مش عذر إنه المدرسة العادية ما تحاول دمج الطفل ولكن إذا كان دمجه صعب يجب إنه إحنا ندور على البدائل الأخرى وهاي البدائل أكيد موجودة، موجودة في مجتمعنا وموجودة أيضاً في المجتمعات الأخرى. عند الحديث عن هذا الموضوع كتير مهم إنه إحنا نفكر ما هو البديل التربوي الأفضل لمصلحة طفلي سواء المدرسة العادية الدامجة أو المدرسة الخاصة أو قد يكون مركز.

 

الخطة التربوية الفردية أو الخطة الفردية  تبنى على أساس تقييم مهارات الطفل واحتياجاته، فلكل طفل خطة تربوية فردية خاصة به.