إهداء مكالمة مجانیة
في هذا الفيديو تتحدث أخصائية العلاج الوظيفي هناء عن الوقت التي يحتاج له الطفل ذو التأخر التطوري (النمائي) للتدخل من قبل أخصائي وظيفي
بقدر أعرف إنه الطفل بحتاج لعلاج وظيفي إذا كان أول شي في عندي تأخر في اكتسابه لمهارات الحياة اليومية والعناية الذاتية مثل إنه وصل لعمر المفروض منه يقدر ياكل لحاله، يشرب لحاله، يهتم بالنظافة الشخصية لحاله.
إذا كان عنده في تأخر بمهارات اللعب وطبعاً مهارات اللعب ممكن يكون سببها تأخر في مهارات الإدراك البصري أو المهارات اليدوية الدقيقة إلي ممكن تظهر على عمر كتير بكير زي إنه يركب بازل أو إنه يقدر يطابق أشكال وألوان معينة أو تأخر في اكتساب المهارات ما قبل الأكاديمية مثل معرفة الألوان، الأشكال، الأرقام والأحرف وإلي عادة بكون سببها تأخر في اكتساب مهارات الإدراك البصري أو مهارات التآزر البصري الحركي مثل مهارة التلوين أو مطابقة الأحرف والأشكال أو حتى تركيب قطع البازل.
الإشي التاني كمان إلي بقدر يخليني أعرف إنه طفلي بحتاج لعلاج وظيفي إذا بلشت ألاحظ عليه سلوكيات أو تصرفات غريبة متل حاجته حتى يسمع أصوات كتير عالية، أو انزعاجه كتير من الأصوات، حاجته ليلمس أي إشي حواليه أو تجنبه لأي ملمس متل اللعب بالرمل أو المي أو الأشياء إلي حواليه، ممكن تكون كمان مشاكل بالأكل عم تظهر أو عملية الأكل عم تستغرق وقت كتير طويل وعم بصير فيها مشاكل.
هنا أبو عطية أخصائية علاج وظيفي تحمل هناء درجة الماجستير في العلاج الوظيفي وتعمل كأخصائية علاج وظيفي في أحد المراكز. شغفها مساعدة الأطفال ذوي التحديات التطورية والذهنية على إكتساب القدرة بأن يقوموا بالوظائف والمهام اليومية بشكل مستقل
اترك تعليقاً