متى يحتاج الأهل لزيارة أخصائي النطق مع طفلهم ؟

Date

2017/12/14

Profile pic

أخصائي نطق ولغة

في هذا الفيديو يتحدث أخصائي النطق واللغة  د.صلاح عن متى يحتاج الأهل لزيارة أخصائي النطق مع طفلهم ؟

  أنا أخصائي علاج نطق و لغة طبعاً مهمتنا الأساسية إنو نهتم بمشاكل النطق و اللغة عند الأطفال وعند الأشخاص اللي هم أكبر شوي،حابين نحكي اليوم عن إشي كتير مهم إلي هي المؤشرات اللي ممكن الأمهات والأباء إنهم يلاحظوها وبتظهر عند الأطفال وإذا ظهرت لازم يسعوا إنهم يشوفوا أخصائي. أول مؤشر بنحكي عنو هو عمر 12 شهر (السنة الأولى) إذا ما ظهرت المناغاة، المناغاة عادة بتظهر بعمر 6 أشهر، إذا الطفل صار عمرو 12 شهر وما أظهر مناغاة أو ما بستجيب لأسمه، ما بستجيب لكلمات بسيطة زي مثلا كاسة، ماما أشياء زي هيك لازم إنو الأم تسعى بشكل مباشر إنها تروح تشوف أخصائي.

المؤشر الثاني إلي هو على عمر 18 شهر، إذا الطفل صار عمرو 18 شهر( سنة ونص) وما بحكي ولا كلمة زي ماما و بابا هادا مؤشر كمان لازم إنو الأمهات تسعى بسرعة بإنها تشوف أخصائي. على عمر 24 شهر لازم إنو الطفل في الوضع الطبيعي بحكي جمل من كلمتين، برضو إذا الطفل عندو كلمات بس ما بيربط جمل لازم الأمهات نفس الشيء يراجعوا أخصائيين. في عنا مراحل تانية على عمر مثلاً 36 شهر إذا كان كلام الطفل مش واضح بيكون عندو مثلاً الأصوات مشوهة_ إبدال _حذف في الأصوات هذا كمان بأثر على المراحل اللي هي بتكون أول صفوف بالمدرسة فلازم كمان الأمهات يراجعوا أخصائيين.

Date

2017/12/14

Profile pic

بكالوريس تربية خاصة وماجستير علاج نطق وهو عضو في المنظمة الأمريكية للنطق واللغة والسمع ASHA عمل صلاح في عدد من مراكز التربية الخاصة والتأهيل في السعودية، الكويت والأردن

 

اترك تعليقاً