ما هي المدارس الدامجة و كيف تكون مدارسنا مهيئة للدمج؟

Date

2018/11/14

Profile pic

أخصائية تربية خاصة

في هذا الفيديو  تتحدث أخصائية التربية الخاصة  آربي عن المدارس الدامجة

 المدرسة الدامجة هي المدرسة إلي بتوفر لطلابها فرص نمو كناس كاملين يعني الطالب لازم ينمو في المدرسة جسدياً، اجتماعياً، عاطفياً وأكاديمياً معرفياً، المدرسة الدامجة لازم تكون مهيئة لتعطي للطلاب الفرصة إنهم يقدروا يستفيدوا من كل المصادر إلي بتوفرها المدرسة، المصادر هاي ممكن تكون مرافق، ممكن مناهج، أنشطة إلخ … يعني مشان المدرسة تكون دامجة بشكل جيد يجب على كل الطلاب إن كانوا ذوي احتياجات خاصة أو طلاب عاديين إنهم يقدروا يستفيدوا مثلاً من المرافق بكل أنواعها، أما الطلاب ذوي الاحتياجات فيجب أن تكون هناك أشياء بتسهل وصولهم للمرافق هاي مثل المصاعد، المنحدرات أو غرف سهلة الوصول إليها إلخ …

أما بالنسبة للمناهج، المناهج يجب أن تكون معدلة أو مصممة بطريقة إنه كل الطلاب يقدروا يستفيدوا منها، وهاد الحكي بحصل إذا المدرسة في عندها كادر متخصص يعمل على هاد الموضوع، وكمان إذا حكينا عن الأنشطة إلي لازم كل الطلاب يقدروا يستفيدوا من جميع الأنشطة المتوفرة في المدرسة، يجب هاي الأنشطة تكون مصممة بطريقة أو تكون فيها بعض الاستراتيجيات أو موجودة فيها استراتيجيات أو أدوات ووسائل تخلي كل الطلاب يقدروا يستفيدوا أو يشاركوا بالأنشطة هاي، إذاً المدرسة الدامجة هي التي تنجح في نمو طلابها من جميع النواحي.

أنا غفلت عن الشغلة العاطفية إذا الطالب ارتاح بالمدرسة فهو بده يكون مبسوط فعاطفياً بده يكون مرتاح، وهاد الحكي طبعاً بحصل إذا متوفر إله كل المصادر إلي بيعطوه هاي الراحة بالإضافة للإرشاد، الإرشاد جداً ضروري والمدرسة الدامجة جيدة يجب أن يكون فيها قسم إرشاد يقوم بإرشاد الطلبة وكمان إرشاد الأهل.

Date

2018/11/14

Profile pic

رئيسة قسم المصادر التعليمية في مدرسة عمان الوطنية وهذا القسم يُعنى بجميع الطلبة الذين لديهم صعوبات تعلم أو تحديات أخرى، من ضمنهم الطلبة المتفوقين والذين هم بحاجة لمساعدة بعدة نواحي بطريقة غير الطلاب الآخرين. متزوجة وأم لثلاثة شباب. حاصلة على بكالوريوس في الكيمياء و ماجستير بالتربية الخاصة. تحب عملها وتشعر بالسعادة مع طلبتها وتأثيرها على حياتهم

 

اترك تعليقاً