ما هي القدرات أو المهارات البصرية من منظور العلاج الوظيفي؟

Date

2018/11/18

Profile pic

أخصائية علاج وظيفي 

في هذا الفيديو  تتحدث أخصائية العلاج الوظيفي د.سنا  عن القدرات البصرية من منظور العلاج الوظيفي.

القدرات البصرية إلي إحنا بنطلع عليها كمعالجين وظيفيين بتختلف عن إلي بطلع عليها طبيب العيون أو أخصائي النظر، إشي كتير مهم نعرفه أخصائي النظر أو طبيب العيون بحدد إلنا إذا في عنا مشاكل بقوة النظر، في عنا مشاكل بالإنحراف كل هاي الأشياء إلي بصححها طبيب النظر، إحنا بنطلع عالمهارات الذهنية المرتبطة بتفسير الطفل إيش الإشي إلي عم بشوفو.

كتير بنلاقي أولاد ما بيعرفوا يمين من شمال، فوق من تحت فبدهم يجوا يحطوا مثلاً كاسة على طاولة ممكن إنهم يوقعوا الكاسة قبل ما يحطوها على الطاولة، بنلاقي في عندهم صعوبات كيف يلبسوا أواعيهم، في صعوبات في الكتابة، في صعوبات في تمييز خط أفقي، خط عامودي، دائرة، في صعوبات إنهم يلاقوا لعبة مثلاً من بين ألعاب كتيرة هاي هي عبارة عن المهارات الذهنية لتفسير المثيرات البصرية إلي الطفل بشوفها بشكل يومي وهي من المهارات إلي بنشتغل فيها كتير بالعلاج الوظيفي لإنها لها دور كتير عالي مرتبط بالوظائف اليومية إلي إحنا كلنا بنسويها من أكل وشرب ولبس، من لعب كلها محتاجة إنه نفسر البيئة البصرية في دماغنا بشكل صحيح وبالتالي هي أساس لحتى الطفل يقدر يقوم بأشيائه لوحده.

زي ما حكينا إذا طفلك أو طفلتك في البيت عم بتلاقي في عنده مشاكل بإنه يفهم فوق وتحت، أديش يفهم أبعاده هو عن البيئة المحيطة حواليه، مش قادر يفرق يمين من شمال، عنده صعوبة في المهارات اليومية العادية متل اللبس، الأكل ممكن يكون السبب وراءها مشاكل في المهارات البصرية التي ليس لها علاقة بقوة البصر، هاي إلها فحوصات مختلفة بنعملها في العلاج الوظيفي حتى نقول إذا هل هي مشكلة في المهارات البصرية أو المشكلة تكمن في إشي تاني.

Date

2018/11/18

Profile pic

زوجة و أم لثلاثة أبناء. حاصلة على دكتوراة في العلاج الوظيفي. تخصصها وحّبها وشغفها للعمل مع الأطفال والذين يواجهون مشاكل نمائية أو تطورية. تعمل حالياً في الجامعة الأردنية و تدرّس المواد التي تختص تطور الأطفال و العلاج الوظيفي و لها علاقة بالتحديات النمائية و تطورية و الذهنية كما أن لديها ابن أخت من ذوي التحديات التطورية

 

اترك تعليقاً