ما هو تحليل السلوك التطبيقي ABA و ما هي استخداماته؟

Date

2018/11/04

Profile pic

اختصاصية تحليل سلوك تطبيقي - BCBA

في هذا الفيديو  تتحدث اختصاصية تحليل السلوك التطبيقي رزان  عن برامج تحليل السلوك التطبيقي (Applied Behavior Analysis)  

الـ ABA معروف إنه يطبق مع الأشخاص إلي عندهم توحد، بس هاد مفهوم خطأ، لأنه ABA طريقة حياة، متى ما عرفنا القوانين ومارسنا هاي القوانين بحياتنا وفهمناها صح، بنقدر نطبق هاي القوانين بحياتنا الشخصية وبحياتنا العملية. في محللين سلوك معتمدين بكونوا أخدوا تدريب أكتر بمجالات معينة، زي ممكن يحطوا برامج لأشخاص كبار بالعمر عشان يساعدهم يغيروا سلوكياتهم إنهم ياخدوا الدواء على الوقت أو ما ينسوا. ممكن محللين السلوكيين :

  • يحطوا برامج أو يساعدوا شركات إنها تحط برامج للموظفين إلي عندهم حتى يحسنوا أدائهم.
  • برضو ممكن في محللين سلوكيين بيتعاملوا مع الأشخاص إلي بلعبوا رياضة؛ عشان يحفزوهم يلعبوا رياضة أحسن ويصيروا أحسن بالمهارات تبعتهم
  • وممكن برضو يستعمل تحليل السلوك للأطفال إلي عندهم فرط حركة أو الأطفال إلي عندهم صعوبات تعلم 
  • الأطفال العاديين إلي بدنا نزيد سلوكيات معينة معهم بالبيت، بدنا يرد علينا أحسن أو يعمل الواجبات تبعونه

برضو بنقدر نستعمل تحليل السلوك التطبيقي عشان نغير سلوكهم.