ما مدى أهمية تعلم الطفل في المراحل العمرية الأولى من حياته؟

Date

2018/11/05

Profile pic

مستشارة تربوية ومدربة حياة

في هذا الفيديو تتحدث الإستشارية التربوية  دينا عن أهمية تعليم الطفل في المراحل الأولى من عمره

بدنا نحكي عن أهمية تعلم الطفل في المراحل العمرية الأولى من عمره، علم النفس اختلف بهاد الموضوع في ناس بتحب بكير وفي ناس بتقول لأ على مهله وفي ناس بتقول بالمدارس وفي ناس بتقول تعليم بالمنازل فاختلفوا، هو فعلياً ما في جواب بقول إنه هاد هو! علم النفس هيك ما فيه أجوبة قاطعة لإنه البني آدم مختلف وكل بني آدم حالة معينة مختلفة عن التانية.

من وجهة نظري إذا هدف الأهل تطوير الطفل من جسماني لعقلي لوجداني لنفسي لعاطفي بكل هاي الأشياء التعليم المبكر إشي كتير مهم، في ناس بتقول مدارس وإذا بتحطيه بمدرسة غلط بتإذيه أكتر فهي اختياراتنا وين نحط ابنّا ليتعلم ويوسع أفقه بهاي المجالات هي الإشي الأهم إنه الأهل يفكروا فيه لمستقبل أولادهم، وبدنا نتفق على شغلة إنه ما في إشي هو المناسب، المناسب لابنك الأول بختلف عن التاني بختلف عن التالت.

إلي أنا بنصح فيه إنه الأهل قبل ما يتزوجوا وقبل ما يفكروا بالخلفة وعدد الأطفال بدهم يكونوا مفكرين إيش رح نعمل مع الأولاد؟ الاتفاق مع المنظومة بين الأم والأب لهاد المستقبل من قبل لإنه مرات بتصير الخلافات بعدين وفجأة بنتفاجئ إنه عنا ولاد وشو بدنا نعلمهم ووين نعلمهم بهاي التفاصيل، بس التعليم المبكر تعليم مهم وبيطور الطفل بكل المجالات إلي حكينا عنها فأنا من الناس إلي أكيد بدعم إنه نبلش نطور ولادنا بأعمار كل ما كانت أصغر كل ما بكون أحسن.