ما الهدف من وجود المعلم الظل (shadow teacher)؟

Date

2019/3/11

Profile pic

أخصائية تربية خاصة

في هذا الفيديو تتحدث مسؤولة التربية الخاصة في مدرسة رنا شعبان عن الهدف من وجود المعلم الظل shadow teacher. 

قرار وجود المعلم الظل أو shadow teacher هو قرار مشترك بتاخده المدرسة مع الأهل مع الأخصائي، هدف وجود هاد المعلم هو مساعدة الطفل على إنه يندمج بمجتمع المدرسة، وإنه هاد المعلم يدعم المعلمين الموجودين في المدرسة بأفضل طريقة لدمج الطفل كون معلم الظل المفروض إنه هو مطلع وعنده تفاصيل أكتر على وضع الطالب.

هاد المعلم ممكن يكون موجود لفترة معينة، وبعد ذلك بتدرس دائماً حالة الطفل وممكن جداً نقرر سحبه، في إشي مهم بدي أنوه إله: أهمية وجود معلم الظل بأهمية أخذ قرار بإنه أيضاً هو ما يكون موجود لإنه أحياناً إذا إحنا أخدنا قرار بوجود معلم الظل وفعلياً الطالب ما بحتاج هاد القرار ممكن يكون إله آثار سلبية بعملية دمج الطفل، باعتمادية الطفل على هذا المعلم، فمن المهم جداً لما بدي آخد هاد القرار يكون قرار مشترك، يراجع هاد القرار سنوياً وبشكل دوري، ودائماً وأبداً همنا في وجود هاد المعلم أو قرار عدم وجوده هو مصلحة الطفل.