ما أهمية إجراء التقييم التطوري للأطفال عند الشك بتأخر تطورهم؟

Date

2017/12/14

Profile pic

استشارية في الشؤون التربوية الخاصة 

في هذا الفيديو تتحدث الإستشارية في الشؤون التربوية الخاصة هالة إبراهيم عن فائدة وأهمية إجراء التقييم التطوري للطفل في حال وجود شكوك بتطوره. 

ليش لازم نعمل تقييم تطوري لطفلنا؟ هاد أول سؤال بسألوني إياه بعد ما أعطيهم نصيحة إنه لازم تعملوا هاد التقييم، متل ما وقت نروح على محل جديد ببعتولنا على google maps الـ location، بنعرف وين نروح بدنا نفس الشي بالنسبة لطفلنا، نعرف بأي اتجاه لازم نمشي مع طفلنا، إزا ما عملنا التقييم التطوري ما بنقدر نحط خطة علاجية جيدة بالنسبة لقدرات طفلنا. 

أظن إحدى الأسباب ليش الناس بتفكر إنه هاد مش ضروري نعمله، لإنه بنفكر إنه الطفل وقت يخلق ويربى ما ببلش يتعلم إلا ليروح عالمدرسة، وهاي فكرة خاطئة جداً، الطفل بأول 3 سنين من حياته بتعلم كل المهارات والمفاهيم والإتجاهات اللازمة إلي رح يحتاجها لحياته التعليمية وحياته كشخص ناضج، هالأول 3 سنين هي أهم 3 سنين بحياتنا، البحوثات عن المخ أثبتتها، البحوثات على التدخل المبكر للأطفال أثبتتها، فحتى نقدر نحط هالخطة التدريبية المنيحة لازم نعمل التقييم التطوري للطفل. 

خليني أعطي كم مثال حتى أوضح هالفكرة، بيجي ولد عالصف الأول ما بقدر يقعد على كرسيه، هاد الولد بنبعته عند معالج وظيفي بيطلع إنه عضلات جسمه مو متطورة كفاية لتقدر تمسك جسمه ويقعد على الكرسي، ولد عنده صعوبة في التآزر البصري الحركي بصفي عنده مشكلة بالكتابة وقت يروح عالمدرسة، طفل ما قدر يكون علاقة اجتماعية مع إمه The first relationship أول إشي بالحياة الإجتماعية، العلاقة الإجتماعية بينه وبين إمه على عمر الـ6 أشهر، هاد الطفل رح يصفي عنده مشاكل بالإتصال البصري، رح يصفي عنده مشاكل بالإتصال مع الآخرين وبناء علاقات اجتماعية، ، فضروري إنه نعمل التقييم التطوري في البداية حتى نعرف وين نقاط القوة ونقاط الضعف تبع الولد، وين الفجوات، ونقدر نمشي وندرب الطفل لنتعدى هاي الفجوات.

Date

2017/12/14

Profile pic

تحمل درجة الماجستير في التربية الخاصة، لدى هالة 40 عام من الخبرة المتنوعة في العمل في مجال التربية الخاصة، عملت مع العديد من الأهالي ودمج أطفال من ذوي التحديات الذهنية في عدد من المدارس
شغف هالة هو العمل مع الأهالي والعمل مع الأطفال ذوي التحديات الذهنية في عمر مبكر

اترك تعليقاً