لماذا يتصرف أشخاص ذوي اضطراب طيف التوحد بطريقة مختلفة؟

Date

2020/11/17

Profile pic

أخصائية النطق واللغة

في هذا الفيديو تتحدث أخصائية النطق و اللغة هوازن  عن أسباب تصرف أشخاص ذوي اضطراب طيف التوحد بطريقة مختلفة وقد تبدو لنا غريبة.

ليش طفل التوحد بتصرف تصرفات ممكن تكون شوي غريبة علينا؟

رح انبلش أول اشي بالتواصل البصري أطفال التوحد في آخر دراسة عملوها وجدوا إنهم دايما بطلعوا على وسط الأشياء، بتجذبهم كمان الألوان غلي فيها تناقض أو غامق وفاتح أو الأشياء البارزة، تاني اشي الأحاسيس معروف أطفال التوحد بتكون عندهم مشاكل حسية متعلقة بالأصوات، بالنظر، بالريحة، أو حتى ممكن تكون علاقتها بالتوازن وإحساسهم ووعيهم بحركات الجسم. 

رح نحكي أول اشي عن الأصوات أطفال التوحد ممكن بكونوا عم يسمعوا الصوت بدرجة كتير عالية أو عم بسمعو بدرجة كتير واطية، ايش ممكن نعمل؟

ممكن نسكر الأبواب و الشبابيك، إذا كان في حوالينا ضجة وإذا طالعين لمكان عارفين إنه الأصوات رح تكون كتير عالية نستخدم سدادات الأذن؛ فهاد بساعد يخفف من حدة الصوت، وكمان ممكن نستخدم كتير حركات الايدين واحنا عم نحكي معهم؛ بساعدهم إنه يفهموا اللغة علينا.

 أما بالنسبة للريحة فأطفال التوحد ممكن يكونوا حساسين كتير للريحة فبشم أي اشي خفيف، بنلاقي معاهم الأطفال صعوبة لما نعلمهم على الحمام، دايما نحاول يكون المكان نضيف وتكون الريحة خفيفة، أما الأطفال إلي ما بشموا كتير منيح بنلاحظ عندهم صعوبة بالأكل فنحاول نزيد من البهارات والأشياء إلي بطلع ريحة حتى يقدر الطفل يشمها ويقدر ينبسط بالأكل اللي عم ياكله. 

بالنسبة للمس ممكن الطفل إذا مسكنا ايده يحس إنه هاي المسكة كتير خفيفة فما يحس بإيدنا وممكن يحسها كتير قوية وهاد الإشي وجعوا، فأحسن طريقة إنه انبه الطفل قبل ما نمسك ايده خصوصًا لما نيجي نقطع الشارع فإذا امسكنا ايده مرة وحدة ومشينا يمكن ما يمشي معنا ويصير في نوبة غضب في نص الشارع فأحسن طريقة هي التنبيه. 

بالنسبة للنظر هون ممكن نركز على الإضاءة فممكن انخففها أو انعليها، إذا طالعين نستخدم كمان النضارات الشمسية كتير بتفيدنا.

أما التوازن زي الأنشطة إلي فيها السحاسيل و المراجيح وطلوع ونزول الدرج فبفيدنا إنه نقسم الحركات الكبيرة لحركات أصغر وأبسط ونستخدم الإيحاءات البصرية وهاد بساعد الطفل إنه يعرف المسافة بين الأشياء.

أما بالنسبة للوعي بحركات الجسم ممكن نضيف وزن زيادة لجسم الطفل عن طريق إنه نستخدم الأثقال إلي بتكون تتلبس تلبيس يا ع الإيدين أو على الرجلين فبحس الطفل بجسمه أكتر وبصير عنده وعي بالمكان إلي هو موجود فيه، ممكن كمان بساعدنا إذا بصريًا لونا حواف الأشياء فبقدر يشوفها بطريقة أوضح. 

دائما نتذكر صفة التوحد هي صفة وحدة من صفات هذا الطفل وإنه هو عنده مشاكل و أحاسيس ومواهب ممكن تطلع وتظهر إذا كانت توقعاتنا إله كتير عالية. 

 

Date

2020/11/17

Profile pic

بدأت حياتها المهنية عام ٢٠٠٥ حيث درست علم السمع والنطق بالجامعة الأردنية، بدأت الهاجس بالإهتمام بالأطفال من ذوي التأخرالتطوري (التأخر النمائي) منذ طفولتها حيث كان إبن الجيران متأخرعن أقرانه مما جعلها تفكر في وسيلة كيف يمكنها مساعدته هو وغيره في المستقبل

اترك تعليقاً