لا أستطيع تحمل تكلفة تدريب طفلي من أخصائي تحليل سلوك تطبيقي، ماذا أفعل؟

Date

2019/12/12

Profile pic

لخدمات تطور الطفل

في هذا الفيديو نتحدث عن تدريب الطفل من أخصائي تحليل سلوك تطبيقي وماذا يمكن للأهالي أن يفعلوا إذا لم يتحملوا هذه التكلفة؟ مع أخصائية تحليل السلوك التطبيقي لانا أندوني.      

وجود ال BCBA أو الأخصائي السلوكي يكون مهم كتير لما يكون في عنا  سلوك كتير  صعب إني  أدرب طفلي  عليه أو سلوك صعب إني أتخلص منه و بهاي الحالة بكون وجود ال  BCBA عشان يحط الخطة المناسبة.وفي اهالي ما بكونوا قادرين يتحملوا تكاليف الأخصائي السلوكي بهاي الحالة ممكن أنا ألجأ لأطلب استشارة لفترة معينة بهدف تدريبي على التعامل مع سلوك طفلي. 

وإذا عملنا هاد الموضوع لازم نتذكر التالي:

أول اشي: ما بنقدر نحصل على كل شي بنفس الوقت، فبدنا نركز على سلوك واحد نشتغل عليه ونركز ع الاشي اللي بهمنا أكتر اشي.

تاني اشي: بدنا نذكر إنه بالأول أخصائي السلوك ع الأغلب رح يطلب منك تاخدي البيانات أو Data؛ عشان تقدر أخصائية السلوك تحط الخطة المناسبة.

كمان بدنا نتأكد من إنه لما تكون في الخطة نتأكد من إنه أخصائية السلوك فرجتك ونمذجة ايش مفروض تعملي بالخطة؛ عشان تقدري تشوفي كيف اتطبقيها.

وكمان كتير مهم نتذكر إنه أنا بدي كأم أو كأب بدي أدرب قدام الأخصائية عشان أتأكد إني عم بعمل وعم بطبق الخطة بشكل صحيح

وبهاي الطريقة أخصائية السلوك ممكن إنه تعطيك ال Feedback أو التغذية الراجعة؛ عشان أتأكد إني بطبق الموضوع بشكل صحيح. 

وأخيرا من وقت لوقت أكيد رح تضطروا إنه  ترجعوا لأخصائية السلوك؛ عشان تتأكدوا من تطور العمل وعشان إذا احتجتوا لأي تعديل بالخطة تقدروا تعملوها.

بضل للأهل الدور الأكبر في إدارة السلوك عشان هم بقضوا أطول الوقت مع أولادهم؛ عشان هيك في كتير من أون لاين  كورسس الأهل بيقدروا ياخدوها؛ عشان يتعلموا أساسيات السلوك متل :استخدام التعزيز، أو متل استخدام التلقين بشكل مناسب أو مثلا: ايمتى لازم ما ننتبه لسلوك الطفل، وهدول الأون لاين كورسس بكونوا مفيدين في تربية جميع الأطفال بغض النظر عن قدراتهم.

 

لانا أندوني أخصائية تحليل سلوك تطبيقي معتمدة

 

Date

2019/12/12

Profile pic

تأسس المسار لخدمات تطور الطفل في عمان – الأردن عام 2006 من قبل مجموعة من الأخصائيين في مجالات التأهيل والتربية الخاصة .يعتبر المسار لخدمات تطور الطفل مؤسسة فريدة من نوعها في الشرق الأوسط، فهي رائدة في مجال تزويد الأطفال ذوي الاحتياجات الخاصة بخدمات التعليم والتأهيل الفردية والشاملة تحت سقف واحد. هذا ويعمل المسار تبعاً لمعاييرجودة عالية توازي مؤسسات عالمية رفيعة السمعة. ويتميز الكادر العامل بشغفه وحماسه للعمل والتزامه بالتعلّم المتواصل لمواكبة أحدث الأساليب والممارسات في مجال التعليم والتأهيل.
يتلقى الأطفال الخدمات المختلفة المجهّزة بعناية لتلبية احتياجاتهم الفردية من خلال ثلاث وحدات رئيسية: وحدة التعليم  والتي تشمل  برنامج التدخل المبكر وبرنامج المدرسة، أما وحدة العلاج فتقدم الخدمات في مجال علاج اللغة والنطق والعلاج الوظيفي والعلاج الطبيعي. فيما تركز وحدة الخدمات المجتمعية على دعم المجتمع المحلي من خلال أنشطة التدريب والتوعية.

اترك تعليقاً