إهداء مكالمة مجانیة
في هذا الفيديو تتحدث أخصائية العلاج الوظيفي هناء كيف يمكن للمعالج الوظيفي (Occupational Therapist) تطوير مهاراته واكتساب الخبرات اللازمة من وقت مبكر في حياته المهنية.
لحتى يقدر يكتسب طالب العلاج الوظيفي الخبرة العملية على وقت مبكر، جامعاتنا الأردنية عم بتركز على الجانب النظري وبتعطي اهتمام كتير كبير للتدريب المهني أو التدريب العملي عن طريق إرسال الطلاب للمستشفيات والمراكز لحتى يقدروا يطلعوا على الحالات المختلفة ويشوفوا طبيعة التعامل معها، يشوفوا عمل الأخصائيين مع كل حالة معينة ويكون عندهم فكرة أوسع عن المجال ومجالاته المتعددة.
طبعاً أي طالب عنده الرغبة والحافز إنه يتعلم أكتر بيقدر يستغل الفترة إلي بين الفصول الدراسية لحتى يقدر يطلب تدريب إضافي وهاد الحكي طبعاً بيأثر عليه بطريقة إيجابية كتير كبيرة، رح يقدر يتعرف على المجالات المختلفة والواسعة ويحدد إيش ميوله واتجاهه وإيش إلي بحب يقدر يكمل فيه لما يخلص جامعة وطبعاً بثري السيرة الذاتية عنده لما يقدم على شغل بعد التخرج.
هنا أبو عطية أخصائية علاج وظيفي تحمل هناء درجة الماجستير في العلاج الوظيفي وتعمل كأخصائية علاج وظيفي في أحد المراكز. شغفها مساعدة الأطفال ذوي التحديات التطورية والذهنية على إكتساب القدرة بأن يقوموا بالوظائف والمهام اليومية بشكل مستقل
اترك تعليقاً