كيف يمكن لأهالي أطفال ذوي الإعاقة التعامل مع الضغوط النفسية؟

Date

2018/11/05

Profile pic

مستشارة تربوية ومدربة حياة

في هذا الفيديو  تتحدث الاستشارية التربوية  دينا عن كيفية تعامل أهالي ذوي الإعاقة مع الضغوطات النفسية التي يمرون بها

بالنسبة للأهل إلي عندهم ضغوطات نفسية وكيف يعبروا عنها؟ هلأ كل الأهل عندهم ضغوطات نفسية بغض النظر عندهم أطفال ذوي احتياجات خاصة أو ما عندهم أو بشتغلوا أو ما بشتغلوا إحنا عنا ضغوطات نفسية، لازم الأهل يلاقوا منفذ أو طريقة معينة للتعبير عن إحباطهم، غضبهم، خيبات أملهم، الدافعية تبعتهم إلي ما عم توصل محل ما هم بدهم وفي إشي عم بشدهم لورا، كل حدا عنده طريقة تعبير معينة أهم إشي إنه إنت كبني آدم تلاقي الطريقة إلي بطلعك من هاي السلبية وترجعك لحتى تجيب شوية إيجابية تطلع منها.

ما في طريقة وحدة أقولك اعمل تأمل في ناس ما بتحبها أنا ما بحبها، في ناس بتقولك اطلع أركض ممتاز، في ناس بتقولك اطلع جيم كويس، في ناس بتقولك اقرأ كتاب، نام فكل واحد لازم يلاقي الطريقة الأنسب لإله ليقيم هالإحباط إلي عنده، يحكي مع صديق، يشوفله مدرب حياة لاقيلك طريقة بتناسبك، ارجعوا على الصفر وارجع شوفلك حدا يعطيك شوية إيجابية، طاقة كويسة ترجع تبلش من عندها وبدك ترجع تثابر، الضغوطات ما عم بتروح ولا رح تروح بس بنقدر إحنا نكون أذكياء ونسيطر عليها ما توقفنا ونرجع نكمل خطوة لقدام.