كيف يمكن التخلص من الاكتئاب؟

Date

2020/12/16

Profile pic

أخصائية نفسية

في هذا الفيديو تتحدث الأخصائية النفسية سامية جبري عن طرق التخلص من الاكتئاب

كيفية التخلص من الاكتئاب : أول اشي لازم أنا اعرف شو السلوكات إلي هي عم بتأثر علي أو الأفكار إلي هي عم بتأثر علي بشكل كتير كبير. كيف ممكن اتخلص من الاكتئاب ؟ كيفية التخلص من الاكتئاب، أول اشي لازم أنا اعرف شو السلوكات إلي هي عم بتأثرعليه أو الأفكار إلي هي عم بتأثر علي بشكل كتير كبير، بشكل سلبي طبعا مش بشكل ايجابي، عشان انا أبلش أعرف كيف أتعامل معها وأفكر فيها طبعا بطريقه تانيه بمنظور آخر؟ عشان أنا أقدر أتخلص من هاي السلوكيات ومن هاي الأفكار إلي هي عم بتأثر علي بشكل كتير كبير في حياتي، تاني اشي لازم أتعرف على أشخاص جداد غير القدامى إلي أنا بكونوا هم عم بأثروا كمان علي بطريقة كتير سلبية إلي، هو كمان عم باثر عليه إنه أنا اصل لمرحلة اكتئاب أكبر.

كمان لازم أحط هدف في حياتي واقعي ليش يعني واقعي؟ أو كيف يعني واقعي؟ يعني أنا بقدر أوصل لأله، مش هدف يكون لسا كتير بعيد ومش رح أقدر أوصل لإله، وكتيرعم بتعب عشان أوصل لإله، بالآخر يمكن ما أقدر أوصل لإله، ف لازم يكون في هدف بحياتي واقعي.

 

 كمان لازم أنا أملي وقت فراغي ما أضلني دائما فاضي وما عم بعمل ولا اشي ،لا بالعكس ممكن عن طريق موهبة، ممكن عن طريق أشياء متل مثلا الرياضه ،اومتل اطلع رحله، كمان هاي الأمور كلها بتساعد على إني أنا أتخلص من الأكتئاب، كمان عن طريق الاسترخاء أو عن طريق التنفس العميق إني أنا أفكر بأمور إيجابية مش بأمور سلبية هاي كمان من الاشياء إلي بتساعدني، طبعا المعتقدات والأفكار إلي أنا بكون حاططها في بالي .

لازم أنا ابلش أحط خطوه لقدام إنه أنا بدي أتعدى هاي المعتقدات والامور إلي أنا بفكر فيها بطريقه سلبيه، لأنه بالأخر هي ما عم تعملي اشي منيح في حياتي ، أنا لازم أتخطاها وأوصل لإشي تاني أحسن وأبعد عن هاي الأفكار والمعتقدات إلي هي بتأثر في حياتي، كمان لازم أقدر ذاتي بشكل كتير كبير، إذا أنا ما قدرت ذاتي بالأخر ما حدا رح يساعدني أقدرها، فلازم أقدر ذاتي بشكل كتير كبير، عشان أنا أقدر اتخطى الاكتئاب إلي انا فيه.