كيف يضبط الأهل استخدام المعززات الغذائية مع طفلهم؟

Date

2018/10/31

Profile pic

أخصائية تربية خاصة

في هذا الفيديو  تتحدث  أخصائية التربية الخاصة  د. حنين عن كيفية ضبط استخدام المعززات الغذائية مع الطفل  من ذوي التأخر التطوري (التأخر النمائي)

 

دور الأهل في خلينا نحكي تحقيق إنجازات أكبر بوقت أقصر للطفل، هو حطه بمدرسة أو بمركز أو مؤسسة أو جبله أخصائي، عمل إلي عليه وعم بقوم بدوره بالبيت، القضية خلينا نحكي العقيمة إلي بضل دايماً أحكي فيها ويمكن في ناس كتير من الدكاترة أو المختصين بعارضوني فيها ولكن إذا بدنا نرجع للحقائق العلمية رح نلاقي أسسها سليمة 100%، إلي هي قضية التغذية والأكل والتعزيز.

يعني بستغرب كيف بيركب على مخنا إنه طفل بياكل شيبس، وبياكل مواد حافظة، وبياكل صبغات وبده يكون مرتاح وهادي وما عنده Hyperactive، وما عنده مشاكل مرتبطة بالكلام والذاكرة، إحنا بنعرف إنه كل هاي المواد بتأثر على الدماغ بالذات بعمر الطفولة. هلأ هو لو عمره 18 وفوق وضل ياكل ما عندي مشكلة، لكن بمرحلة البناء ومرحلة الطفولة ومرحلة اكتمال الدماغ عم بتشكل مشكلة كتير كبيرة فبيجي أهالي بقولوا كيف بدي أمنعه؟ كيف كذا وأبصر شو؟
أنا قادرة أعطيه البدائل الطبيعية مثلاً بديش أعطيه شيبس بعطيه بوشار، بديش أعطيه الكاندي بعطيه الزبيب المجفف مهو طعمه حلو متل الكاندي وأطيب كمان، المشمش، التمر المجفف، يعني كل هالشغلات المجففة ممكن إنه ياكلها الطفل.

في أهالي بقولوا لا مستحيل ابني يقبل، إنت ما تجبره، إنت حط هاي الشغلات دايماً بمتناول ايديه شوي شوي ومرة على مرة رح ياكل بنفس الوقت إلي هو إنت عم تحرمه من شغلات مش مفيدة إله، عم بتعززه بشغلات، عم تبني دماغه، عم بتعزز المناطق إلي بالدماغ المسؤولة عن الكلام، الذاكرة الإنتباه، وبطورها بطريقة سليمة.

بالنسبة للشغلة التانية إلي هي مثلاً المكسرات النيّة، متل اللوز، الجوز، الفستق، هلأ في بعض الأطفال عندهم تحسس من مواد معينة ما بعطيه الشغلات إلي هو بتحسس منها بعطيه الشغلات التانية، أيضاً ممكن أعطيه ذرة، ممكن أعطيه كتير شغلات تحسسه إنه عم ياكل شغلات منيحة.

هلأ بالنسبة للشوكلاتة بالذات هلأ الشوكلاتة كمادة هي مفيدة جداً، مادة الكاكاو مادة مفيدة جداً للدماغ، لكن إنه ما يكون معها المواد الحافظة والسكريات والمواد المضافة والأصباغ، إنت بتقدر تشتري ألواح الشوكلاتة إلي إنت متأكد إنه هي من مادة الكاكاو، إنت عم تعطيه تعزيز ممتاز وبنفس الوقت عم بتعالج مشاكل الإنتباه والذاكرة والحركة الزائدة أو النشاط الزائد. هاد الموضوع من خلال من 40 يوم ل 3 أشهر ببلش ألاحظ فرق على ابني بإنه بلش يتغير، بلش ينتبه أكتر، بلش يهدى، في شغلات بتتغير عنده ما كانت موجودة قبل، فهاي الشغلة مهمة جداً إنه حتى استخدمها في التعزيز فيما بعد إنه أعطيه هاي الشغلات كمعززات حتى هو يستجيب لنشاط معين، أو إنه مثلاً أكون عم بكافئه على إنجازه لمهارة أو مهام معينة.

 

 

Date

2018/10/31

Profile pic

تحمل درجة الدكتوراه في التربية الخاصة، أم لمراهقين. بدأت حياتها المهنية في مركز نازك الحريري، ثم إنتقلت للسعودية وعملت بعدة مراكز.عادت إلى الأردن لتؤسس مدرسة للطلاب ذوي الإحتياجات الخاصة تابعة لوزارة التربية والتعليم وهي من أوائل مدرسة أكاديمية في الاْردن لذوي الإحتياجات الخاصة الشرق الوسط التي تقدم خدمات تعليمية و تأهيلية و تدريبية في التربية الخاصة كما أنها أسست مركز لتدريب المختصين
مستشارة في أكثر من مؤسسة أردنية وعربية و مدرب دولي معتمد في برامج التربية الخاصة كما أنها مختصّة بالقياس والتشخيص.

اترك تعليقاً