كيف يرى طفل التوحد العالم من حوله؟

Date

2020/11/17

Profile pic

أخصائية النطق واللغة

في هذا الفيديو تتحدث أخصائية النطق و اللغة هوازن عن كيف يرى الشخص من ذوي اضطراب طيف التوحد العالم من حوله، و التوضيح مستوحى من كتاب "The Reason I Jumped" لطفل ياباني شُخص بالتوحد 

غالبًا أطفال التوحد بشوفو العالم إنه كوكب غريب عليهم وهاد بدلنا قديش صعب عليهم يتواصلوا مع الناس اللي حواليهم فبندمجوا باهتمامات غريبة شوي عليهم، هذا الفيديو مأخوذ من كتاب "The Reason I Jumped" كتبه طفل ياباني عمره 13 سنة مصاب بالتوحد، والطفل ما بيتواصل إلا عن طريق الكتابة، سألوا شو أكتر اشي بتطلع عليه أول ما تشوف شغلة معينة؟ أول شغلة قلهم أنا بطلع على تفاصيل الأشياء يعني لو في قنينة مي فأنا بطلع على الخطوط إلي ع الغطا مثلًا: أكثر من القنينة كلها، بتجذبني من الألوان المتناقضة زي أسود و أبيض، أخضر و أحمر، أو الأشياء البارزة والنافرة، سألوا ليه ما في تواصل بصري؟ يعني بس نحكي معك دائما بتطلع حوالينا؟ حكالهم أنا دائما بحاول ابحث عن صوت القبالي بحاول أشوفه فبدور عليه بوجه لقبالي أو حواليه فهاد كمان بخلي ما يكون عندي تعبير وجه وما ببين كتير إني أنا مبسوط أو حزين أو سعيد؛ لأني دائما في محاولة بحث عن اشي موجود قدامي، أما بالنسبة لترتيب السيارات وصفهم جنب بعض فحكى أنا لما بكون بلعب هاي اللعبة أو عم بكون بطلع على المي وهي بتمشي أو الرمل وهو عم ينزل هاد بخلي راسي سعيد منتعش، أما بالنسبة لنوبات الغضب حكى كمان أنا ما بكون مبسوط من حالي و أنا عم بعمل هيك بس ما بقدر أسيطر على انفعالاتي، وآخر شيء سألوا ليش بتعيد نفس التصرف؟ مع إنه بنكون حكينالك من قبل ما تعمله حكى تأكدوا تماما إنه أنا ما بكون مبسوط لما أعيد نفس الغلط، بس أنا بنسى وبكون عارف إنه انت قبالي حاسس إنه أنا عمري ما رح أتعلم.

 بس بطلب منك إنك ما تحزن ولا تصير محبط بس اتذكر دايما إنه احنا بحاجة لمساعدتك وخليك واقف جنبنا 

 

Date

2020/11/17

Profile pic

بدأت حياتها المهنية عام ٢٠٠٥ حيث درست علم السمع والنطق بالجامعة الأردنية، بدأت الهاجس بالإهتمام بالأطفال من ذوي التأخرالتطوري (التأخر النمائي) منذ طفولتها حيث كان إبن الجيران متأخرعن أقرانه مما جعلها تفكر في وسيلة كيف يمكنها مساعدته هو وغيره في المستقبل

اترك تعليقاً