كيف نعدل السلوك السلبي؟

Date

2020/11/16

Profile pic

أخصائية النطق واللغة

في هذا الفيديو تتحدث أخصائية النطق واللغة هوازن عن كيفية تعديل السلوك السلبي؟

كيف ممكن  نتعامل مع الأطفال إلي بتظهر عندهم سلوكيات سلبية، هم الأطفال بالعادة عندهم اضطراب فرط النشاط  الحركة  (ADHD) أول اشي لازم نكون حازمين و عادلين و ثابتين بسلوكياتنا معاهم؛ لأنه احنا في أشياء ما بنقدر نغيرها بس بنقدر نتعامل معها، و بنقدر نتحكم في تصرفاتنا وانفعالاتنا، فأول اشي ممكن نعمله ما ناخد الموضوع شخصي، و نتنفس و نرخي ايدينا وما نتكنف  أبدًا حتى نرخي عضلات وجهنا كمان، بعدين ما نسأل الولد ليش هيك سويت؟ ليش هيك حكيت؟ انبدل هاي الأسئلة بأسئلة شو؟ يعني شو ممكن أعمل هلأ بهاي اللحظة؟ أو كيف ممكن نزبط الإشي إلي خرب قدامنا، ودائمًا ننهي الحوار بجملة فيها الإحساس إلي إحنا حاسينه هلأ،  زي ممكن نقوله كتير أنا زعلانه لإنه انت كسرت الكاسة ؛ لأنك رميت عليها الطابة وهلأ بدنا مع بعض انضفها مثلًا أو أنت مسؤول اتكنسها، هونا بكون ما هددت الطفل أبدًا ولا حسسته إني أنا زعلانه منه هو كشخص، (لأ) أنا بكون زعلانه من التصرف إلي هو اتصرفه مش منه هو نفسه  وهو بكون الطفل بهاد الوقت  همه إنه الأهل أو الناس إلي قدامه لكبار يرضوا عنه فبقدر يمشي معانا و يرضى عنا و بتخلص مشكلته إلي إحنا فيها. 

 

Date

2020/11/16

Profile pic

بدأت حياتها المهنية عام ٢٠٠٥ حيث درست علم السمع والنطق بالجامعة الأردنية، بدأت الهاجس بالإهتمام بالأطفال من ذوي التأخرالتطوري (التأخر النمائي) منذ طفولتها حيث كان إبن الجيران متأخرعن أقرانه مما جعلها تفكر في وسيلة كيف يمكنها مساعدته هو وغيره في المستقبل

اترك تعليقاً