كيف ساعد العلاج الطبيعي في تطوير مهارات طفلي ذو الشلل الدماغي؟

Date

2019/12/23

Profile pic

أم طفل لديه شلل دماغي

في هذا الفيديو تتحدث هبة أبو الفيلات أم لطفل لديه شلل دماغي عن العلاج الطبيعي ودوره في تطوير مهارات طفلها ذو الشلل الدماغي

كيف اعمل على تطوير مهارات ابني ذو الشلل الدماغي ضمن الموارد المحدودة، انا من عمر سنة لحد هلأ هاشم صار عمره 6 سنوات على العلاج الطبيعي المكثف بالبيت، جلسات علاج طبيعي مكثفة من 3 الى 4 جلسات أسبوعيا بالبيت ما انقطع الا للشديد القوي، يعني مريض داخل مستشفى عنده ظرف المعالج تبعته عنده ظرف طبعا جلسات علاج طبيعي مكثفة بالبيت هاشم ،هلأ صار بقدر يستعمل الووكر، هاشم بمشي ع المتوازي بمساعدة ، هاشم بقعد لحاله هاشم بجوع بروح بطلع على الكرسي في المطبخ بقعد، هاشم هلأ صار مثلا بوقف على الكورنر بمشي داير مايدور الكورنر ، تطوره الحركي كثير ممتاز بالنسبة لعمره ، وأنا يعني كأم لطفل عنده حالة حركية زي هاشم بنصح كل أم ما ترد ولا على أي حدا بقلها اتركي ابنك من العلاج الطبيعي، حتى لو أي حدا قلها ما في أمل ما تعطي علاج طبيعي ، العلاج الطبيعي ثم العلاج الطبيعي والعلاج الطبيعي اكيد طبعا، التدخل المبكر أ نوع تدخل مبكر: التدخل المبكر في النطق، التدخل المبكر من العلاج الوظيفي. الام ما تيأس ولا شعرة يهزلها، كلام المجتمع بدي أحكيلها اياه من هلأ اللي بدخل من هون يطلع من هون لأنه الام اذا ضعفت الولد بضعف .