كيف تتغلب أم الطفل من ذوي التأخر التطوري على تحدياتها الشخصية ؟

Date

2017/12/14

Profile pic

مدربة  ومؤسسة مبادرة بهجة 

في هذا الفيديو تتحدث لمى جمجوم أم لطفل من ذوي التأخر التطوري  كيف تتغلب أم الطفل من ذوي التأخر التطوري (التأخر النمائي) على تحدياتها الشخصية ؟

أهم إشي بساعدني حتى أتغلب عالتحديات كأم لطفل من ذوي الإحتياجات الخاصة، هو إبني نفسه، هو ابني مصدر القوة إلي، أي انجاز بسيط بعملو إبني هاد مصدر فرح كتير كبير، يعني ممكن الإنجاز يكون إنه عم بنعلمو اشي كتير بسيط،  وإشي كتير عادي بالنسبة لأمهات تانيين، بالنسبة إلنا بياخد معنا كتير وقت طويل، مرات أشهر مرات أكتر من سنة، لكن إحنا أي إنجاز صغير وبسيط بنعتبرو فرح، وهاد بزيد  بيعطينا جرعه كبيرة من الأمل، وإنا نضلنا نشتغل ما نوقف عن الشغل.

 

وتاني إشي الإستعانه بصديق، الي هو صاحبانتا، الي همه خلينا نقول بنفس الدائرة الي احنا عايشين فيها او هاد الوضع الي عايشين فيه، همه أكبر محفز إلي، يعني أنا أول ما عرفت إنه إبني اله وضع معين، صرت أحب كتير أقعد مع الأمهات الي عندهم نفس الوضع، والأمهات الي عايشين بنفس المكان، عشان همه رح يشعرو بشعوري، إذا انا حكيتلهم أي قصة عني رح يفهموني، فهمي كانو كتير محفز قوي إلي،، صارت الأم زي أختي.. صديقتي، بحب أحكي معهم كل  يوم، بس طبعا أستفيد بالتجارب الي أحسن إنها رح تفيد إبني مش التجارب الي هيه مختلفة، يعني ما أعرض إبني إنه يكون مكان للتجارب، أجرب الإشي الي بحس في األه فائدة كبيرة لإبني والي بناسبه .

Date

2017/12/14

Profile pic

أم لطفل لديه تحديات تطورية، مدربة حياة ومدربة عمل (تدرب الأشخاص ذوي الإعاقة في أماكن العمل)، مؤسست مبادرة بهجة التي تهدف لدمج الأطفال ذوي الإحتياجات الخاصة في الأنشطة الترفيهية

اترك تعليقاً