كيف أقوي انتباه طفلي وأزيد فترة تركيزه؟

Date

2019/12/12

Profile pic

لخدمات تطور الطفل

في هذا الفيديو نتحدث عن كيفية تقوية انتباه أطفالنا وزيادة فترة انتباههم مع أخصائية تحليل السلوك التطبيقي لانا أندوني من مركز المسار لخدمات تطور الطفل

بكل الأحوال لما انزيد ، نشتغل وندرب ع زيادة الانتباه بدنا نبدا بإنه نكون متأكدين إنه الطفل عارف ايش المطلوب منه، ومفيد بهاد الموضوع إنه نجيب Visual-Q دليل بصري؛ عشان يفهم ايش متوقع منه فمثلا: اذا بنشتغل مع بنت بدنا نزيد تركيزها، ممكن نعطيها دليل بصري زي هاد وبنفرجيها إنه البنت جالسة ع كرسي، ضهرها مستقيم، ايديها بحضنها مش عم يلعبوا بإشي أمامهم وعم تتطلع أمامهم، وهيك بنقدر لما بدنا نبدا تدريبنا ع زيادة الانتباه نصير انأشر ع الصورة ونحكيلها: اجلسي بانتباه ومع الوقت بنصير نسحب التلقين اللفظي؛ عشان مش نضل نعيد ركزي انتبهي، نصير بس نأشرع الصورة لما بدنا نذكر الطفلة إنه هي هلأ لازم تجلس بانتباه.

من الضروري كمان إنه لما نبدا بتدريبنا على زيادة الانتباه، إنه كمان نستعمل المعزز، فبنبدا مثلا: بالأول إنه نعزز الطفل لو جلس بانتباه للفترة المناسبة، هي بتكون الفترة المناسبة مع الخط القاعدي، وبعدين بنزيد هاي الفترة الزمنية تدريجيا فمثلا: لو لقينا بال Baseline إنه الولد قادر يقعد ل 3 دقايق، ويسمعله قصة بانتباه وقتها بندا بإنه نعززه كل 3 دقايق  جلس واستمع إلى القصة بانتباه، ولما نجح هاد الموضوع و أعطيناه معزز أكم يوم، بنصير نزيد هاي الفترة الزمنية، ومثلا : نعطيه معزز ل 3 دقايق ونص وبعدين لأربع دقايق وهكذا وهيك تدريجيا بنشتغل ع زيادة الفترة الزمنية للانتباه.

 

أحيانا بعض الأطفال يكون عندهم ضعف بالتركيز أو فترة تركيزهم قليلة، وبكون بدنا نشتغل ع إنه يزيد فترة تركيزهم، فبهاي الحالة دايما  بنبدا بجمع المعلومات أو البيانات المتعلقة بفترة انتباههم، فمثلا: ايش مدة انتباهم لما يكونوا عم يحلوا مسائل الرياضيات أو لما يكونوا عم يستمعوا إلى قصة أو لما يكونوا عم بيقرأوا قصة، تجميع هاي المعلومات مهم لأكتر من سبب، أول اشي بنقدر نعرف ايش الخط القاعدي أو Baseline للفترة الزمنية أو المدة الزمنية اللي هم قاعدين يجلسوا بانتباه فيها، وهاي الفنرة بنبدا تدريبنا لزيادة الانتباه فيها. 

تاني سبب جمع هاي المعلومات بكون مفيدة إنه بنصير نشوف لو في أي أسباب أو عوامل عم بتأدي لتشتت الانتباه فمثلا: ممكن نلاقي إنه فترة تركيز الطفل لحل مسائل الرياضيات كتير أقل من فترة تركيزه للاستماع إلى قصة، بهاي الحالة ممكن إنه إحدى الأسباب  تكون مسائل الرياضيات إالي عم نعطيها للطفل كتير صعبة، وبالتالي ممكن  إنه نعدل من المهمة ونشوف اذا فترة تركيزه زادت.

لانا أندوني أخصائية تحليل سلوك تطبيقي معتمدة

Date

2019/12/12

Profile pic

تأسس المسار لخدمات تطور الطفل في عمان – الأردن عام 2006 من قبل مجموعة من الأخصائيين في مجالات التأهيل والتربية الخاصة .يعتبر المسار لخدمات تطور الطفل مؤسسة فريدة من نوعها في الشرق الأوسط، فهي رائدة في مجال تزويد الأطفال ذوي الاحتياجات الخاصة بخدمات التعليم والتأهيل الفردية والشاملة تحت سقف واحد. هذا ويعمل المسار تبعاً لمعاييرجودة عالية توازي مؤسسات عالمية رفيعة السمعة. ويتميز الكادر العامل بشغفه وحماسه للعمل والتزامه بالتعلّم المتواصل لمواكبة أحدث الأساليب والممارسات في مجال التعليم والتأهيل.
يتلقى الأطفال الخدمات المختلفة المجهّزة بعناية لتلبية احتياجاتهم الفردية من خلال ثلاث وحدات رئيسية: وحدة التعليم  والتي تشمل  برنامج التدخل المبكر وبرنامج المدرسة، أما وحدة العلاج فتقدم الخدمات في مجال علاج اللغة والنطق والعلاج الوظيفي والعلاج الطبيعي. فيما تركز وحدة الخدمات المجتمعية على دعم المجتمع المحلي من خلال أنشطة التدريب والتوعية.

اترك تعليقاً