كيفية تغيير نمط حياة الأهل للتعامل مع طفلهم من ذوي التأخر التطوري

Date

2018/11/05

Profile pic

مستشارة تربوية ومدربة حياة

في هذا الفيديو  تتحدث الاستشارية التربوية  دينا خفش عن كيفية تغيير نمط حياة الأهل للتعامل مع طفلهم من ذوي الاحتياجات الخاصة خصوصا من ذوي التأخر التطوري (التأخر النمائي)

بننسأل إيش نوع نمط الحياة إلي رح يتغير إذا الأهل اكتشفوا إنه عندهم طفل من التحديات الخاصة؟ هلأ أكيد مرة تانية ما رح تكون الحياة سهلة وفراشات، حتكون صعبة بس في كتير أهل إلي استوعبوا ووصلوا لمرحلة التقبل إنه طفلي عنده تحديات خاصة شو رح أعمل؟ تغييرات كتيرة منها تغييرات نفسية وفي أكيد تغييرات مادية، في أهل قرروا إنهم بروحوا من محل لمحل تاني يعني كانت وظيفته إشي وغير كل الوظيفة تبعته وكل الخطط المستقبلية والأشياء إلي كان يعملها هو الأب أو الأم لإشي مختلف تماماً ليقدر يربي إيش وضع ابنه أو بنته وكيف ياخدهم خطوة لقدام، ممكن الأهل يكتشفوا شغف لشغل تاني ويطور عنده الموضوع ليصير في عنده وضع أفضل.

بالمحصلة نمط الحياة أكيد رح يتغير بتعاملنا مع أطفالنا التانيين أو إنجاب أطفال تانيين أو لأ رح يتغير، خطتنا المستقبلية برضو رح تتغير فالفكرة إنه نتقبلها ونقدر نطلع منها خطوة لقدام، دايماً بدنا نفكر بكل الأسئلة إلي بتخطر ع بالكم كأهل عندهم أطفال ذوي تحديات أو لأ، هو أصلاً الخلفة تحدي ولما يكون عندك هاد التحدي بدنا نفكر بهدف ونحطوا هيك سكر على عيونك وحط قدامك الهدف وفكر كيف أفضل طريقة لأوصل هاد الهدف وأركز عليه لغاية ما أوصله، بنفكر بالهدف بنطلع بشوية إيجابية منها ومش سهل نجيب هاي الإيجابية لإنه الظروف صعبة والوضع صعب مفهوم، مش سهل برضو مفهوم بس بدنا نفكر كيف رح نعمل تغييرات لنمشي خطوة صغيرة لقدام إلي هي رح تاخدني كمان خطوة لقدام، ركزوا عالهدف وفكروا منيح وكيف بدنا نعمل مستقبل أفضل لأولادنا.