كأب كيف أتعامل مع طفلي ذو التأخر التطوري

Date

2018/10/31

Profile pic

أب لطفل من ذوي التأخر التطوري

في هذا الفيديو  يتحدث رمزي شقير  أب لطفل من ذوي التأخر التطوري  عن  كيفية تعامله مع طفله.

بالنسبة للتعامل مع حالة متل حالة راكان أو أي طفل عنده احتياجات خاصة، أنا كنت من الناس زي ماحكيت بتعامل معها بشكل طبيعي وبكل أريحية ومايكون في مرات مجتمع بنظرلها نظرة خجل بديش أقول سلبية خجلان، حلو الأهل يتعاملوا مع هاد الموضوع بشكل طبيعي لأنه الطفل بحاجة ليكون جزء من المجتمع ويتواجد معنا في أي وقت وهاد الموضوع بريح الجميع، الناس عم تتعود وبتشوفنا دائما بسألوا عن راكان إذا مش موجود، وين راكان؟ ليش مش معكم؟.

فالتعامل مع الوضع هاد بشكل طبيعي هو نصيحتي للأهالي، مافي أي شيء الإنسان يخجل منه والله ماشي مع طفله إنه ذا بمشي غلط أو ببتسم غلط هاي الشغلة طبيعية وبالعكس أنا بعتبر وجود راكان معنا يعني زي ما بقولوا Blessing نعمة من الله .

بالنسبة للمستقبل وشو بنفكر للمستقبل بحب احكي كلمة نفكر ونخطط للمستقبل ما نهكل هم المستقبل شو بجيب، مدام احنا ماشيين وبنحاول قدر المستطاع نعمل إحنا شو بنقدر وربنا شو كاتبله أو شو معطيه طاقة رح هاي الطاقة تطلع آخرتها ويكون أكتر فكرنا إيجابي وتخطيط أكتر من قلق من المستقبل، ونحاول نكون برضه عمليين لأنه في بعض المشاكل الناس بتواجهها من ناحية الاحتياجات الخاصة ليكبروا الأولاد هاي بدها تخطيط مهم جدا للتعامل معاها.