فوائد فيتامين د للجسم

فيتامين د هو احدى المكونات الأساسية اللي الجسم بقدر يصنعها من نفسه عن طريق التعرض لأشعة الشمس ، لذلك كثير ضروري احنا نتعرض يوميا بما لا يقل عن 10-15 دقيقة في أوقات الذروة للشمس ؛لحتى الجسم يصنعه ويحوله Active Form للمكون النشط في الجسم ، كمان فيتامين د موجود بمكونات بسيطة أو بعض عناصر بسيطة من الأكل ، موجود فقط باللحلم وباللوز وبالمكسرات والسمك.

فيتامين د بيلعب دور كثير أساسي بتكوين العظام ويقي من هشاشة العظام ، ويقي الأطفال من الكساح ومشاكل العظام الأخرى ، لذلك احنا كثير ضروري انو يكون فيتامين د هو أحد المكونات الأساسية بجسمنا اللي أبدا ما نخلي عنا نقص فيتامين د ، لذلك إذا شعرتي بأي نقص ممكن عن طريق آلام بالمفاصل ، تعب ، ارهاق ، غير معروف ، ما تتردد نهائيا بفحص نسبة فيتامين د في الجسم ، برضه فيتامين د بيلعب دور أساسي بتحسين الأداء اليومي واله دور أساسي أيضا بالدماغ ومشاكل الدماغ وما يؤثر عليه ويقوم به الدماغ ، ومن أهم هاي الأمور اللي هي التركيز والاكتئاب ، في حالات وجدت الدراسات أنه في حالات كثير تحسن عندها الاكتئاب بعد ما أخذت مكملات غذائية من فيتامين د في الجسم .