فوائد المعجون في تنمية المهارات الدقيقة والمهارات الذهنية والحسية

Date

2018/11/14

Profile pic

أخصائية علاج وظيفي 

في هذا الفيديو تتحدث أخصائية  العلاج الوظيفي سنا أبوالدهب عن فوائد استخدام المعجون أو الصلصال في تنمية المهارات الحركية الدقيقة والمهارات الحسية و المهارات الإدراكية الذهنية عند الطفل.                  

المعجونة أو الصلصال هي من الأشياء إلي إحنا بنحب نستخدمها في العلاج الوظيفي وبنشجع الأهالي كمان يستخدموها في البيت لسهولتها وتوفرها وكتير كمان الأطفال بحبو يلعبوا بالمعجونة. المعجونة إلها استخدامات مختلفة لما بنطلع عليها بالعلاج الوظيفي وحدة منها نفس طبيعتها إنه ممكن تكون قاسية أو طرية ونفس طبيعة ملمسها هاد إذا عم نشتغل عالحركات الدقيقة أو عم نشتغل على تعرض الطفل لملامس مختلفة حتى نحسن من قدرته على تحمل هاي الأشياء. كمان إحنا بنستخدمها لأشياء إدراكية حسب إيش لونها، بنمدها بنعمل منها أشكال وبنشوف الطفل إيش ممكن يتخيل يعمل بهاد الشكل، كيف ممكن يركب قطع معجون مختلفة حتى يعمل شكل معين، ممكن نكون حاطين إله صورة ونقول إله هي المعجون ويلا نحاول نعمل نفس الصورة، فهي مش بس على مهارات دقيقة وعلى قوة العضلات هي كمان بتشتغل على مهارات إدراكية وحسية مختلفة.  

إحنا بنشجع الأهالي إنهم يستخدموها وتكون متواجدة في البيت، في كتير وصفات متوفرة لصلصال أو معجون ممكن ينعمل في البيت خصوصاً إذا الأهل خايفين إنه ابنهم ممكن ياكلها أو يحطها في تمه فبتكون هاي الوصفات آمنة وما فيها أي خطر إذا الطفل لو بالغلط تناولها، فموضوع الصلصال أو المعجون أبعد بس من مهارات حركية دقيقة هو ممكن كمان يكون إله تأثير إيجابي على قدرات التخيل والمهارات الذهنية والحسية المختلفة.                

Date

2018/11/14

Profile pic

زوجة و أم لثلاثة أبناء. حاصلة على دكتوراة في العلاج الوظيفي. تخصصها وحّبها وشغفها للعمل مع الأطفال والذين يواجهون مشاكل نمائية أو تطورية. تعمل حالياً في الجامعة الأردنية و تدرّس المواد التي تختص تطور الأطفال و العلاج الوظيفي و لها علاقة بالتحديات النمائية و تطورية و الذهنية كما أن لديها ابن أخت من ذوي التحديات التطورية

 

اترك تعليقاً