فوائد اللعب مع أطفالنا

Date

2018/11/13

Profile pic

مسؤول المجتمع بمنصة حبايبنا.نت

في هذا الفيديو  يتحدث مصطفى دنو أب لطفل من ذوي اضطراب طيف التوحد عن فوائد اللعب مع أطفالنا. 

كل أطفالنا عندهم روتين يومي بين جلسات ممكن تكون في مركز، ممكن تكون في روضة، ممكن تكون أنشطة متعودين يعملوها دايماً بس ليش ما بنخلي اللعب يكون بينا وبين أطفالنا داخل ضمن البرنامج اليومي أو الروتين اليومي هاد إشي جداً مهم لعبنا مع أطفالنا هو مش فقط لعب وغير هادف وتضييع وقت وعشان ننبسط وعشان نضحك وعشان نلعب وعشان نحنا بنحب بعض، أكيد كل هاي الأشياء متوفرة بس السبب الأكتر أهمية إنه اللعب بطور بحد ذاته كتير مهارات وقدرات عند أطفالنا زي إنه بنمي من الحواس، بنمي من المهارات الاجتماعية إلي هي بتكون المشكلة الكبرى عند أغلب الأطفال أيضاً بساعد في مهارات النمو، مهارات التفكير الإبداعي وحل المشكلات كمان كتير بساعد في استقلالية الطفل وتفاعله الاجتماعي بشكل صحيح وبشكل أفضل ضمن البيئات المختلفة.

نحنا مش دايماً موجودين مع أطفالنا، أطفالنا بروحو على كتير بيئات نحنا مش متواجدين معهم فيها، فجداً مهم إنه نخلي دايماً ضمن برنامجنا وأوقاتنا إلي بنقضيها مع أطفالنا، مش بس شغل مش بس دراسة مش بس مهارات وأهداف نشتغل عليها أيضاً لازم يكون اللعب التفاعلي بينا وبين أطفالنا بدون استخدام وسائل خارجية أو أشخاص خارجيين من برة الأسرة هاد شي لازم يكون دايماً موجود ضمن برنامجهم اليومي.

مرض التوحد من الأخطاء الشائعة ، فهو اضطراب تطوري (اضطراب نمائي) وليس مرض.

Date

2018/11/13

Profile pic

بدوافع شخصية بعد تشخيص طفلي باضطراب طيف التوحد بدأت العمل في مجال التنظيم المجتمعي والعمل الاجتماعي بهدف الوصول إلى الحقوق الأساسية للأطفال ذوي الاحتياجات الخاصة. خلال هذه الفترة أسست ملتقى طيف التوحد، اكتسبت خبرة وتاريخًا في العمل كمدير مجتمعي بمنصة حبايبنا.نت من خلال استخدام وسائل التواصل الاجتماعي وأدوات السرد القصصي. لدي أيضًا خبرات في الإدارة، التنظيم والقيادة.

 

اترك تعليقاً