فوائد الرسم بالأصابع الرسم باستخدام اليد من منظور العلاج الوظيفي

Date

2018/11/14

Profile pic

أخصائية علاج وظيفي 

في هذا الفيديو  تتحدث أخصائية العلاج الوظيفي سنا أبوالدهب عن فوائد الرسم بالأصابع "الرسم باليد" من منظور العلاج الوظيفي.

الرسم بالأصابع من الأنشطة إلي بحبها كل الأولاد بحبوها وبستمتعوا فيها ومن منظور العلاج الوظيفي هي إحدى الأنشطة إلي إحنا كتير بنحبها أولاً لإنه الولاد كتير بحبوها وثانياً للأشياء المختلفة إلي ممكن إنه إحنا نشتغل عليها أثناء الرسم بالأصابع. وحدة من الأشياء الأساسية إنه بكون عنا إثارة لحاسة اللمس لما بكون الولد بستخدم أصابعه في التلوين والأشياء اللمسية كلها بتساعد على بناء وتطور كتير من المهارات الذهنية والإدراكية، الإشي التاني إلي كمان بنحبه في الرسم بالأصابع إنه ممكن الطفل يتعلم إنه يستخدم إيده كوحد مختلفة مش الإيد كلها كوحدة واحدة، ممكن نحط ألوان مختلفة على كل أصبع وبالتالي نجبر الولد إنه يستخدم كل أصبع لحال، هاد التعامل مع الأصابع كوحد مختلفة ومش إنه اليد كلها بتتحرك كوحدة واحدة كتير رح يكون إلها تأثير في مهارات أخرى بتحتاج إنه اليد تكون فيها هاد التنوع في استخدام الأصابع.

بدنا ننوه لموضوع بسيط بعض الأطفال ما بحبو هاد النشاط، بعض الأطفال عندهم حساسية زيادة في اللمس فهاد نشاط ممكن يكون مش مناسب إلهم أو ممكن نستخدمه بالتدريج معهم ممكن نبدأ بس بطرف الأصابع وبعدين ممكن أصبع واحد لحد أصبعين لحتى يصير في عنا تطور ليستخدم كل الأصابع واليد في التلوين، فما نضغط على الطفل، النشاط إلي بنختاره للطفل لازم يكون مبسوط فيه وحابه حتى يعطي النتائج إلي إحنا بدنا إياها.

Date

2018/11/14

Profile pic

زوجة و أم لثلاثة أبناء. حاصلة على دكتوراة في العلاج الوظيفي. تخصصها وحّبها وشغفها للعمل مع الأطفال والذين يواجهون مشاكل نمائية أو تطورية. تعمل حالياً في الجامعة الأردنية و تدرّس المواد التي تختص تطور الأطفال و العلاج الوظيفي و لها علاقة بالتحديات النمائية و تطورية و الذهنية كما أن لديها ابن أخت من ذوي التحديات التطورية

 

اترك تعليقاً