إهداء مكالمة مجانیة
في هذا الفيديو يتحدث أخصائي الموهبة والتفوق أحمد الأسد عن فرط الحركة وتشتت الانتباه بين الاضطراب والتميز.
التميز الدماغي الأول هو اضطراب فرط الحركة وقلة الانتباه الي هو بسمو (ADHD) . ايش مؤشراته؟ الأشخاص الي بكون عندهم هاد الموضوع بكون عندهم حركة كتيرة ما بيقدرو يقعدو في مكان واحد لفترة طويلة عندهم حب لموضوع السعي نحو المتعة والإثارة وكمان عندهم مشكلة بموضوع التركيز وبتشتت انتباههم بسرعة إيش أنواع المهن الي ممكن تكون مناسبة لإلهم ؟ أنواع المهن المناسبة أي أشياء فيها حركة زي مثلاً: شرطي، بالمطافي، الرياضيين وحتى المدربين الموسيقيين .
وخلينا نحكي في مجال ريادة الأعمال بتميزوا فيها بشكل كبير ليش؟ عشان في ربط بين التميز الي عندهم وريادة الأعمال بشكل عام الأشخاص الي بدخلو في ريادة الأعمال بكونوا: بحبو الحركة، بحبو الإثارة، بحبو التغيير وما بحبو يكونوا بمكان واحد ريادة الأعمال محتاجة ناس مخاطرين ناس عندهم قدرة على اتخاذ قرارات سريعة محتاجة ناس لما يفكروا وبفكروا بأكثر من موضوع بنفس الوقت طبعاً خبر سار أحد علماء النفس الي هيه اسمها البروفيسور كاثلين نيثو بتحكي انو الي عندهم (ADHD) بكونو مليئين بالطاقة ورائعين في العصف الذهني ومستعدين يشتغلوا من 12-15 ساعة يومياً باختيارهم بعض المشاهير الي يصف إنه عندهم هاد ال (ADHD) هاد التميز الي هو زي مثلاً: جيم كاري، ريتشارد برانسون، السباح المشهور مايكل فيلبس وتوماس أديسون.
اترك تعليقاً