طفلي يتعرض للتنمر، ماذا أفعل ؟

Date

2019/12/16

Profile pic

أخصائية نفسية

في هذا الفيديو تتحدث الأخصائية النفسية سامية جبري عن كيفية حماية طفلك من التنمر وماذا تفعل؟

التنمر عم بزيد كتير صار في مجتمعنا، فهادا التنمر صار يأثر كمان على الأطفال على شخصيتهم وكمان على دراستهم وكمان على تعاملهم مع الناس إلي حواليهم، رح نحكي شوي هلأ عن الخطوات يلي لازم يتبعوها الأهل، طفلي يتعرض للتنمر، ماذا افعل؟ التنمر عم بزيد كتير صار في مجتمعنا، فهادا التنمر صار يأثر كمان على الأطفال على شخصيتهم وكمان على دراستهم وكمان على تعاملهم مع الناس إلي حواليهم، رح نحكي شوي هلأ عن الخطوات يلي لازم يتبعوها الأهل، إنه كيف همه يتعاملوا أو يخلوا الطفل كيف يتعامل مع التنمر يلي هو بصير معه عن طريق المدرسة أو ممكن كمان عن طريق المجتمع يلي هو فيه؟  أول اشي لازم نزيد ثقته بنفسه لأنه أكتر اشي بأثر على التنمر للطفل المتنمرعليه هو عدم ثقته بنفسه، تاني اشي اذا الشخص المتنمر بلش يحكي معه ويناقشوا بأسلوب سيء، لازم هو يقدر يوقفه عند حده ، ويقوله بالاخر كلامك بالنسبة لألي ما بهمني، أنا مهم عندي أنا شو بدي أو أنا شو عم بعمل، فهادا الحكي أصلاً كتير الشخص المتنمرعليه بضايقه وبخليه يبعدو عنه.

 

كمان لازم ازيد ثقته بمظهرهُ الخارجي ،لأنه ممكن مرات في اشي بالشكل الخارجي بدايق الشخص نفسه ،لازم أزيد ثقته بهذا الشكل الخارجي إلي عنده، عشان هو يبطل يتأثر بالناس إلي حواليه، كمان لازم افهموا إنه الشخص إلي هو عم بتنمر عليك هذا شخص اصلاً هو ما عنده ثقة بنفسه، فهو عم بتعامل في هذا الأسلوب معك لأنه هو حابب يدايقك مش لأنه هو أقوى منك أو هو أحسن منك ، بالعكس أنت أحسن منه وهو غيران منك أو خايف منك وعم بتعامل معك في هذا الأسلوب، عشان يضايقك ويقلل من ثقتك بنفسك ويقلل من نفسك ويخليك شخص اصلاً مش شاطر بالمدرسة أو شخص مش عارف كيف تتعامل مع الناس إلي حواليك، وكمان ممكن إنه أخليه يروح عند المعلمة أو يروح عند المرشد في المدرسة يشكي عن هذا الطالب الي هو عم بضايقه، عشان يعرف كمان إنه أنا عم يخطي خطوه، إنه أنا عم بخليك تتوقف عند حدك لأنك أنت شخص اصلاً عم بضايق الناس إلي حواليك، وأنا مش خايف منك ولا رح اضايق من كلامك، هاي الأمور إلي إحنا لازم نتبعها مع التنمر إلي بصير عند الأطفال.