طفلي يؤشر على ما يريد كيف أساعده على التواصل بالكلام؟

Date

2019/12/23

Profile pic

أخصائية نطق ولغة

في هذا الفيديو  تتحدث أخصائية النطق واللغة نورا صبحا عن دور الأهل في تحفيز طفلهم الذي لا يتكلم ويكتفي بالإشارة في التواصل على الكلام  

ولكن نحنا مابدنا اياه يظل بمرحلة الاشارة احنا بدنا نساعدو انو يكمل عملية التواصل ويحكي لغة عشان هو يحصل على اللي بدو اياه سواءا من اهلو اومن البيئة اللي حواليه . فهلأ ممكن اعطيكم Tips  تساعدنا كيف نخلي الطفل يتحول من عملية التاشير لعملية التواصل الكلامي، لازم نفهم شغلة انو التواصل هي المظلة الكبيرة لعملية إرسال رسالة معينة بنا اياها والحصول عليها، اللغة هي جزء من عملية التواصل،  فإذا طفلي قاعد عم بأشر هو فعليا عم بتواصل معنا ولكن نحنا مابدنا إياه يظل بمرحلة الإشارة احنا بدنا نساعدو انو يكمل عملية التواصل ويحكي لغة عشان هو يحصل على اللي بدو إياه سواءا من أهله أو من البيئة إلي  حواليه، فهلأ ممكن أعطيكم Tips  تساعدنا كيف نخلي الطفل يتحول من عملية التأشير لعملية التواصل الكلامي وحدة من الأشياء اللي كتير مهمة إنه  نخلي الطفل هو يقودنا للإشي اللي بدو إياه، لذلك نحنا بدنا بيئة ممتعة للطفل اذا نحنا اخترنا الإشي اللي بدنا نخلي الطفل من خلاله  يتكلم وهو مش مبسوط مارح نتوقع منو إنه  يتجاوب معنا.

الشغلة الثانية : اللي هي أنا ممكن أعطيه خيار من اثنين يعني هو عم بأشر لي مثلا: إنه بدو شكولاتة الشغلة اللي بحبها أنا ممكن أقلو بدك شكولاتة  ولا بدك عصير؟ عم بعطيه خيار من اثنين فهو لو أشر يقلو شكولاتة أو عصير لو حكى ام ؟ أو حكى –( أتة ) -- بقلو برافو، وبعطيه دغري الشوكلاتة،  استجابة للكلمة اللي حكاها بعطيه المعزز دوغري؛ عشان هو يحس إنه  اه إنه  هاي أمي فهمت علي، و أنا عم بحصل على اللي بدي اياه، إذا رح أحاول مرة تانية ورح  أحاول احكي؛ لإنه الكلام شكله عم بجيبلي أشياء حلوة فمن هاي الشغلة ؛ نحنا بنبلش نعطيه خيار من اثنين، و أنا بستمع لإلو. 

 

كتير مهم إنه  لما الطفل بدو يستجيب نعطيه شوية وقت ؛لإنه هو بدو شوية وقت عشان يعمل معالجة  براسو ؛ عشان يجاوب فبنعطيه شوية وقت مش نحكيله شوكولاتة  ولا عصير ،اه،  ايش بدك شوكولاتة ولا... بنعطيه وقت و بنستنى عليه ولما يعطيني استجابة لو حتى صوت أو كلمة ما الها .....قريبة لشوكولاتة دغري بعطيه شوكولاتة وهيك أعطيته المعزز ورح يصير يجي عباله  مرة ثانية يحكي

 

 

وحدة من المهارات اللي بنقدر نعملها لإبنا برضو اللي عم بأشر أو لساتو ماعم بتكلم ؛ عشان نساعدوا على الكلام مهارة التقليد، يعني  لما بكون عم يعمل شغلة، نحنا نقلدو ونفوت دائرة المساحة اللي هو فيها، ما نكون احنا بعاد عنه، نكون احنا موجودين بالنشاط اللي هو في، وبنقلدوا  ورح نعطيه ثقة كثير لنفسه، ورح نحسس طفلنا إنه  احنا مستمتعين معك، وحاسين فيك، وحابين إنه  نتواصل مع بعض، فمن هون احنا قاعدين بنعزز ثقته بنفسه إنه  دخلنا دائرة المساحة، خلينا هو يقودنا للنشاط إلي  بده إياه عم نستمع لإلو، يعني عم ننتظر هو يعمل الإشي اللي بسويه، أنا عم بعطيه فرصة إني بستمع لإلو، وعم بستمتع مع التعزيز الإيجابي، والبيئة الممتعة اللي هو فيها ؛ هاي كلها عم تعطيه ثقة بنفسه، وهيك نحنا بنكون عززنا الثقة لطفلنا من خلال البيئة الممتعة اللي هو حابب يكون فيها.

Date

2019/12/23

Profile pic

هي أم لطفلتين وناشطة في مجال الطفولة والتعلم
بعد مسيرة اكثر من 12 عام من تقديم خدمات علاج السمع النطق في الاردن والامارات للعديد من الحالات من بينها (ضعف السمع ,تأخر اللغة ,مشاكل النطق ,التأتأة ,التوحد ...الخ )
وجدت شغفها الكبير في مجال تصميم وسائل علاجية تعليمية باللغة العربية وتحاكي البيئة العربية وتهم كل من المختصين في مجال التعليم والطفولة
اسست  شركة "كلمات " عام 2015 لتصميم وسائل تعليمية للتواصل والنطق
مدربة معتمدة لدى منظمة هانن HANEN الكندية في برناجها العالمي It Takes Two To Talk®
حاصلة على شهادة ADOS™-2 لتشخيص وتقييم أطفال التوحد ,وشهادة في تقييم وعلاج اضطرابات الصوت
حصلت على جائزة مؤسسة عبدالحميد شومان للابتكار في الحقول التعليمية في الاردن عام 2018
وحصلت ايضا على جائزة من بنك الاتحاد لدعم رياديات الاعمال في الاردن عام 2019

 

 

اترك تعليقاً