طرق تحبب وتجذب الطفل لتناول طعام جديد

Date

2018/11/14

Profile pic

أخصائية تغذية

في هذا الفيديو  تتحدث أخصائية التغذية أمل أبو شيخة عن طرق تحبب وتجذب الطفل لتناول طعام جديد.

كيف أخلي طفلي يتناول طعام جديد لأول مرة رح يجربو؟ أهم نقطة لحتى يتناول الطفل إنه نخلي العائلة كلياتها تشارك هاي الوجبة، ضروري نجتمع على نفس المكان بنفس الوقت لحتى يكون الطفل قادر أكتر ويحب أكتر هاي الوجبة، اعمليله إياها بطريقة هو يحبها قطعيها، قسميها، حطيله إياها بشخصية، بأطباق شخصيات كرتونية هو بفضلها او هو بحبها. إذاا كان عنده مشكله بالمضغ أو البلع، في كتير أطفال بعانو بمشاكل من مضغ الجاج واللحمة، فإنت حاولي تسلقيله إياها بكتير طريقة كبيرة وتقطعيله أياها، وبعد ما تحطيله إياها عالطبق حطي عليها شوية لبن أو شوية من مرقة الجاج أو اللحمة لحتى يسهل عليه مضغها و بلعها.

ما تترددي أبدا طلب المساعدة من أهلك، من أهلو لزوجك، من والده نفسه وبرضه حاولي من معارفك إنه دايماً اقرئي ودايماً تعلمي كيف احنا ممكن نخلي الطفل يحب وجبات غذائية، أهم شي كمان نقطة كتير مهمة الحوار بينك وبين طفلك، علميه إنه هالعنصر الغذائي كتير مفيد لإلك، لبناء عضلاتك ، لصحتك، لجسمك، إذا كانت بنت لشعرك، لبشرتك. خليها إنه تكون هي حابة هاد الشي لإنه هالشي مفيد لإلها قبل ما هو يكون بس مجرد أكل.، كتير ضروري إنه نحنا نهتم بتقسيم الأكل وإعطاءهم بدل عن السكريات إعطاءهم المكسرات، نعطيهم الزبادي مثلاً : محضر بشكل بدل من الزبادي المنكه، فينا نعمللهم الزبادي المقطع بالفواكه ، بالتالي  حيحبه و حيحب لونه و رح يلجأله أكتر ويبتعد عن السكريات بشكل كبير.

Date

2018/11/14

Profile pic

أخصائية تغذية، ماجستير في التغذية من جامعة العلوم والتكنولوجيا، خبرة ٩ سنوات مستشفى الجلدية والجراحة التجميلية في الرياض، السعودية، حاصلة على ترخيص الهيئة السعودية للتخصصات الصحية وعضو في الجمعية السعودية للغذاء والتغذية، وعضو في الجمعية الأردنية للغذاء والتغذية

اترك تعليقاً