رسالتي إلى أهالي ذوي التأخر التطوري

Date

2018/11/05

Profile pic

أب لطفلين من ذوي التأخر التطوري

في هذا الفيديو  يتحدث محمد  أب  لطفلين من ذوي التأخر التطوري عن رسالته لأهالي ذوي التأخر التطوري (التأخر النمائي)

النصائح الي بقدر أقدمها لكل أب عرف إنه أبناؤهم عندهم تحديات، من تجربتي الخاصة، بقدر أقوله إنه تسلح بالعلم والإيمان؛العلم لأنه هذاالمجال فيه كتير خرافات، فيه كتير معلومات خاطئة، فيه كتير أشياء موجودة على الإنترنت ما بتفيد، وبالعكس ممكن تكبدك خسائر مالية وممكن تكبدك خسائر كمان معنوية، فالعلم أساسي بهذي الحياة، والإيمان إنه رحلتك إلها هدف، والإيمان إنه إنت تقدر تغير على مستوى حياة أسرتك و ابنك أو بنتك، وكمان تقدر تغير حتى على مستوى مجتمعك.

 فبالتالي شد الحزام، كون سند لزوجتك؛ لأنه مهما كان معك فلوس، ومهما جبت أحسن أخصائيين بالبلد، الطفل فالبيت والعمل عليه في البيت هو الي بيعطي أكثر نتيجة، فبالتالي كون سند لزوجتك، تكون تساعدها في أشياء ولو بسيطة الي تضمن تطور مستقبل طفلك، تطور قدراته، تطور مهاراته الي تضمن مستقبل أفضل لعائلتنا بشكل عام.