رحلتي مع ابني من ذوي الشلل الدماغي

Date

2018/11/18

Profile pic

أم لشاب لديه شلل دماغي

في هذا الفيديو تتحدث أم لشاب لديه شلل دماغي عن رحلتها مع ابنها

لما أجا سائد انولد اجى الدكتور جابولي إياه ، أنا فقدته لما ولدت ما جبولي اياه أولها فسألت وين المولود عادة بجيبوه مع الأم و هو كان الرابع بين أخوته ، فسألت ليش المولود ما أجاني حكولي حطيناه بالخداج، ما حكولي أول شو السبب ولا اشي صاروا يحكولي عنده خلع ولادي وما بعرف ايش، المهم جابولي إياه أرضعه كان وقته عروة زريقات بصور برنامج الأسرة أجا علي حكالي بدي أصور البيبي و أنت بترضعي فيه حكتله الممرضة لا ما بتقدر ما في مجال و ما حكتلي شو السبب حكيتلها بدي أرضعه و أغير له فرفضت الممرضة حكتلي أحنا بنغيرله بس جبناه عشان تشوفيه و أخذوه على الخداج و حكولي أنت ألك خروج والطفل بظل هون.

 

يعني صار عندي بالدار يتشاوروا و يحكوا مع بعضهم لأنهم حاكيين لأبوه أنه شو اللي عنده طب أنا بدي ب أعرف شو السبب لأني أمه و بدي أروح أرضعه قال ألي لا ما بتقدري تروحي ترضعيه و تشوفيه طلع الطفل بعد 10 أيام طبعا عملوا اله عملية فورية و هي عملية تجميل لظهره للنخاع الشوكي، بعد 10 أيام روح كان معه تقرير طبي أخته ممرضة أخته بنت أبوه ممرضة بالمدينة الطبية أخذت التقرير وبتشاوروا بيحكوا بين بعض مش راضيين يحكولي إلى فبحكيلها طيب يا مها في موضوع في أشي سري بالنسبة لسائد حكتلي ما بقدر أحكيلك يا هدى قلتلها بالله عليك إنك تحكيلي ريحيني طيب أنا أمه بدي أغير له بدي أشوف شو قصته إلا هي حكتلي بالعربي سائد بده يكون زمان ما كانوا يحكوا ذوي احتياجات خاصة كانوا يحكوا إعاقة عنده إعاقة و ما ورح يضل سائد ما يمشيلا يتحرك ولا اشي قلتلها الحمد الله رب العالمين هذا ابتلاء من رب العالمين .

 

يعني و تقبلت الموضوع بكل محبة و وبكل مودة لأنه خلص اشي ربنا بعثلنا إياه صاروا يسألوا في وراثة من أهله في وراثة من قرايبه قلت الهم ما في وراثة لا من أهله أو من أهلي لكن الحمد لله رب العالمين و بتعرف المجتمع كان سيئ شوي و ما كان متحضر زي الآن بتقبل الإشي صار هاد يحكي كلمة و هذا يحكي كلمة و أنا ما أعطي داني ولا لواحد لأنه أنا تقبلته بكل محبة و حكيت الحمد لله و أبوه ما كان عنده أي مشكلة و كان يحبه بالعكس أكثر واحد بالدار و أخوانه نفس الإشي الكل كان وسائد محبوب مازال، من لما نولد و لحد الآن و وضعه ما تغير عليه اشي .

Date

2018/11/18

Profile pic

والدة سائد من ذوي الاحتياجات الخاصة عمره ٢٩ سنة ويعاني من الشلل في ساقيه وأمور مثل الغرغرينا، هو شخصية محبوبة ويساهم في إنتاج المنتجات الفنية في ورشة صلصال التابعة لمؤسسة رواد التنمية. هدى من أمهات ورشة صلصال التابعة لمؤسسة رواد التنمية في جبل النظيف في عمان

اترك تعليقاً