رحلتي مع ابنتي ذات الشلل الدماغي في مرحلة المدرسة

Date

2018/11/04

Profile pic

أم لشابة لديها شلل دماغي

في هذا الفيديو تتحدث ريم أم لشابة لديها شلل دماغي عن رحلتها مع ابنتها  في مرحلة المدرسة 

طبعاً بتول لما صارت في سن إنه لازم تروح ع المدرسة وعلى الروضة، أنا كتير كتير كنت يعني مهتمة بهاي الأمور، إنه تروح وتتعلم كأي يعني طفل طبيعي، طبعاً أول إشي لقيت صعوبات إنه المدرسة مدرسة عادية تقبل الدمج يعني مع أطفال طبيعيين، لقيت صعوبات إنه أول إشي ما قبلوا، ما قبلوها. بس بعدين الحمدلله يعني تقبلوها، وصارت يعني عادي بمدرسة عادية مع أطفال طبيعيين، أنا كنت مصّرة على هالإشي، لأنه بتول يعني حقها، حقها في التعليم كأي طفل عادي، فأنا أصريت ع هاي الشغلة، والحمدلله تقبلت، وأصريت إنها تدرس لإنها الشهادة سلاح في إيد أي إنسان، وحق لكل إنسان.