رحلتي مع أبنائي ذوي التأخر التطوري

Date

2018/11/18

Profile pic

أم لأبناء من ذوي التأخر التطوري (التأخر النمائي)

في هذا الفيديو  تتحدث جميلة أم لأبناء من ذوي التأخر التطوري (التأخر النمائي) عن رحلتها مع أبنائها

أربع أشهر صار معه سخونة واشي و تغيرت أموره يعني اكتشفت أنه مش زي الأولاد العاديين بقعد صرت أوخذه على الدكاترة و حكولي أخر اشي اقعدي ابنك عنده إعاقة آه و بعدين بلشت حياتنا بالأول فاطمة اجت اللهم صل على سيدنا محمد زي ما حكتلك إعاقة و كان عندها من الولادة نقصان اكسجين وكان عندها مشاكل و أروح فيها و أجي فيها و ويحولوني تأخرت لما مشيت و حبييها بعد ثلاث سنوات صارت تمشي صرت أوديها للتأهيل أوديها ما كان زي اليوم في تأمين صحي كله على حسابي و كبرت فاطمة.

 

وأجاني محمد، محمد كان كويس و منيح و بعد أربع أشهر صارت عنده سخونة و نام في مستشفى البشير وزي يلي أهملوا فيه بدايتها و صار عنده عدة أمراض ونيمته ليلة في مستشفى القدس وكان عمره أربع أشهر وأخدوه ليصورا صور لرجليه، الصورة لحالها طلب الدكتور خمسين دينا وصار يقولي احتمال يكون عنده شلل و الحمد لله ما طلع لا شلل و لا أشي، الولد صار يمشي بس عندهم صار إعاقة عقلية بسيطة ما بحكوا، البنت عمرها ب 30 ومحمد 27 و لما كبروا حطيتهم بمركز المنار بعلموهم على الألوان مثل هيك لسن ال14 و بطلعوهم .

لما يطلع الولد ويقعد كان محمد علمك البنت بتقدر تمسكها الولد يضلوا رايح جاي بده عالدكان يروح وييجي أنا أخاف عليه من الولاد يعطوه شغلة عملة،  حكيت يوميتها للمعلمة اللي بمركز المنار ع أساس يحطوه سنة زيادة و حطوه سنة زيادة وطلعوا ، وقعدوا بيجوا سنتين تلاتة بالدار أجت وحدة بتحكتلي لو تحطيهم برواد التنمية قلتلها وين بتيجي قلتلي بالنظيف بشتغلوا حكيتلها هدول ما بعرفوا يروحوا و يجوا علمك، فبتحكيلي لأ في أسوء منهم و بروحوا قلتلها ما بيعرفوا يروحوا قلتلي ودي بتعلموا وبصيروا فعلا وديتهم هون تحسنوا كان يضلوا محمد عالورق يجيب الورق ويلفلفه و يحطه بثمه زي الدخان أضلني خايف عليه، هون وديتهم وتحسنوا يحبوا واتغيرت أمورهم بالخصوص محمد تغيرت أموره يحب يروح وييجي

Date

2018/11/18

Profile pic

أم لخمسة أبناء ، ٣ أولاد وبنتين،ابنها الرابع من ذوي الاحتياجات الخاصة منذ الولادة بينما طفلها الخامس عانى من حرارة عالية على عمر ٤ شهور وأثرت على تطوره. جميلة من أمهات ورشة صلصال التابعة لمؤسسة رواد التنمية في جبل النظيف في عمان

اترك تعليقاً