دور الوالدين في تعليم أطفالهم تقبل الآخرين بمختلف قدراتهم

Date

2018/11/05

Profile pic

مستشارة تربوية ومدربة حياة

في هذا الفيديو  تتحدث الاستشارية التربوية  دينا  عن دور الوالدين في تعليم أطفالهم تقبل الآخرين بقدراتهم المختلفة

موضوع تقبل أطفالنا للآخرين إن كان أطفالنا عندهم احتياجات خاصة أو لأ وكيف يتقبلوا العنصر الآخر، بدنا برضو نتفق على كتير أشياء مع بعض إنه إحنا أولادنا مراية لإلنا يعني إذا الطفل بشوف أمه وأبوه هم أصلاً ما بتقبلوا أي اختلاف عنهم الطفل مستحيل تقوله تعال أعلمك كيف تتقبل صاحبك أو جيرانك أو أخوك! أعطيكم مثال: إذا أنا تطلع على فرضاً سوق بالمول وبشوف أنا كأم إمرأة تانية من لون مختلف أو شكل مختلف أو معها طفل مختلف وأنا كأم بنقز أو بعلق تعليق إيش ما كان هو هاد الطفل رح يكتسبه ويعلق عنده بدماغه معناته أنا أي اختلاف ما رح أتقبله، بقدرش أرجع أعمل إعادة وأقوله لأ لأ أنا إلي بعمله غلط وأضلني أعمل الغلط وأقوله تعال أعلمك إيش تعمل إشي تاني! ما بزبط.

بدنا نعلم أولادنا قيم، تقبل الآخر قيمة جداً مهمة إذا أنا بعملها ابني وبنتي رح يعملوها وإذا أنا ما بعملها أولادنا صعب يعملوها، كمان مثال على أبسط من هيك إذا أنا بعلم ابني ما تكذب والدين بحكي ما تكذب والأخلاق بتحكي ما تكذب والمدرسة بحكوله ما تكذب وهاي قيمة ممتازة بروح برن تلفون الولد برد بنقوله احكيله نايم! شطبنا الموضوع عالآخر، القيم لا تُدرس، القيم مكتسبة بشوفوا بتعملوا وبطبقوا هيك العملية بتشتغل، هيك النظام بشتغل، تقبلنا للآخرين قيمة من أهم القيم الأهل والمجتمع إلي حواليه بعملها، الطفل بنخلق بتقبل معين وأصلاً لما ينخلق ما عنده تفرقة بهاي التفاصيل لإنه هو ما بفهمها أصلاً إحنا بنعطيه قيمة إنه لأ ما تتقبله هاد مختلف عنك، إذا إحنا الأهل بنتقبل الآخر بطلعوا أولادنا بتقبلوا الآخرين فالبداية من عنا وهاد إشي كتير مهم لازم دايماً نفكر فيه.