دور العائلة في دعم ابنتي ذات الشلل الدماغي

Date

2018/11/05

Profile pic

أم لشابة لديها شلل دماغي

في هذا الفيديو  تتحدث ريم محيسن أم لشابة لديها شلل دماغي عن دور العائلة في دعم ابنتها ذات الشلل الدماغي. 

بالنسبة لدعم الأهل من ناحية زوجي وابني لبتول كتير كانوا يحبوها ويدعموها، وكنا أنا وزوجي دايماً يعني نتناوب على بتول بالأحرى، لإني أنا كنت موظفة وهو صحيح بيشتغل بس كنا مثلاً إذا أنا كنت تعبانة هو يقوم يوديها على العلاج الطبيعي والعلاج الوظيفي، وكمان أخوها إلي أصغر منها بأربع سنين، كتير هي وياه أصدقاء وكتير بتتشارك هي وياه بعدة مواضيع وعدة اهتمامات لإنه هو كمان بيحب (الغرافيك ديزاين) زيها. 

وكمان الأهل كلهم سواء يعني من أهلي، من خوالها، من عمامها، الكل كان متقبل بتول، متقبلها مش لإنها مختلفة، بالعكس لإنها هي إنسانة فرضت إنه إحنا نتقبلها، إنه مثلاً هي عاملة لحالها برستيج بالأحرى، فإحنا بنحبها وهي بتحبنا، وكُلنا متقبلينها، وكُلنا داعمين إلها وهاد الحكي مش بس حكي، يعني بالعكس، لأنه بتول لو إنه ما كان لقت الدعم مني، من الأهل، من أبوها، من أخوها من الأهل بشكل عام ما كانت وصلت لهاي الدرجة، لإنه هي هلأ إنسانة كتير إجتماعية، كتير ناجحة، كتير مميزة بالأحرى، وكتير إحنا بنحبها.