دور الأب في حياة عائلته بوجود طفل من متلازمة داون

اذا بتسألني عن دور الأب بحياة طفل ذو احتياجات خاصة وهل الأم لوحدها تغني؟ جوابي البسيط هو لأ، بس بنفس الوقت قبل ما أكمل الإجابة بقول دور الأم اشي خرافي، يعني الload على الام و الثقة الي عليها شيء عظيم، وأول اشي بوجهه يعني شكر خاص لزوجتي مع، بكل المجهود الي بذلته مع نوف والي بتبذله كل يوم مع الأولاد كاملة، يعني ولكل الأمهات إذا كان عندهم احتياجات خاصة أو ما كان، يعني دور كبير من التربية، دور كبير من التدريس.

هاد كله على الأم و صراحةً مهما حاولنا كأباء ما بنقدر نسوي الي هم بساووا، بس هاد لا يعني أنه دورنا انتهى وما النا دور، دورنا أنه احنا نكون العامود للعائلة ، تكون أنت داعم لزوجتك، داعم للأطفال، تساعد بكل الأمور الي ممكن تخفف دور الأب أكيد هو برضه بنزل بشتغل أوهو هاد ال stereotype أنه هو المزود للعائلة وممكن تكون الأم، يعني الأوقات عم تتغير بس دور الأب برضه مهم، لازم يكون برضه هو يعني صمام أمان للأم و للعائلة أنه يخفف عنها لأنه الثقل عليها كبير بأي وضع عادي، فلما بتزيد طفل معاه احتياجات خاصة و إله احتياجاته الخاصة، أكيد الload عليها بزيد وهون بيجي الدور إنك أنت تخفف و تساعد بالعائلة.