دور الأب في الدعم بوجود طفل من ذوي التأخر التطوري

Date

2018/10/31

Profile pic

أب لطفل من ذوي التأخر التطوري

في هذا الفيديو  يتحدث رمزي أب لطفل من ذوي التأخر التطوري  عن دور الأب في الدعم بوجود طفل من ذوي التأخر التطوري (التأخر النمائي).

راكان نوعا ما احنا حاولنا نشوف كيف ممكن ندعمه بشكل أفضل، بتطلب منظومة دعم مرتبة، الأم دائما "سيرين" هي اللي بتحاول تنظم برنامجها وبرنامجه، ايمتى بروح عالمدرسة ؟ وايمتى برجع من المدرسة؟ وشو لازم يوكل؟ وشو لازم تحطله بالشنته، دوري أنا أكون نوعا ما مساعد أكتر جزء منها كان عدم وجودي في البلد لفترة طويلة. ينال وياسمين بساعدوا كتير، كتير مرات سيرين بصير معها نوعا ما بدها بريك وبصير معها ارهاق حلو نعطيها الفرصة هاي مرات ممكن تطلع برا وممكن تسافر وبكون أنا موجود وام سيرين موجودة، يعني الدعم مش بس دعم داخل البيت الدعم ممكن يكون برضه من خارج البيت الأهل بساعدوا فيه.

هاد الحكي بساعد وبريح مرات ليكون الواحد عارف إذا في حالة طارئة في حد يساعده من هالناحية: دوري أنا مابختصر بس إنه الأب هو اللي بجيب المصاري عالبيت لأ يس برضه ممكن أضطر أحمم ممكن أضطر آخذه مشوار، أوصله عالمدرسة و أرجعه من المدرسة، آخذه عند الدكتور وكل هاي الأمور ممكن أساعد فيها، ينال وياسمين كمان بساعدوا كتير، راكان بتطلب مرات بس عشان حد يسليه، ينال بدقلله جيتار وياسمين بتلاعبه وممكن تحضر معاه تلفزيون، فهاد الموضوع بريح الأهل ليكون في أكتر من شخص يتحمل المسؤولية في البيت.